蘋果日報 | APPLE DAILY
› 選擇地區
三藩市
紐約
洛杉磯
其他美國地區

我 是 謝 天 華 細 佬

謝 梓 華   三 十 四 歲
他 的 哥 哥 是 藝 人 謝 天 華 , 他 本 人 是 皮 膚 科 碩 士 , 九 五 年 畢 業 於 港 大 醫 學 院 , 今 年 在 無 對 手 競 選 下 成 為 新 一 屆 無 國 界 醫 生 香 港 辦 事 處 主 席 。
最後更新: 0804 17:03 / 建立時間 (HKT): 0622 00:00

從 當 上 無 國 界 醫 生 主 席 , 我 和 謝 天 華 就 變 了 twins 。 每 次 傳 媒 訪 問 我 就 有 謝 天 華 張 相 , 訪 問 謝 天 華 就 有 我 張 相 。 阿 媽 每 次 睇 傷 風 感 冒 , 都 會 拎 住 我 和 阿 哥 的 剪 報 去 見 醫 生 , 以 我 倆 為 榮 。

自 我 一 直 只 想 做 個 普 通 人 , 讀 醫 只 想 做 個 普 通 科 醫 生 , 三 年 前 入 無 國 界 醫 生 諗 住 幫 吓 手 , 點 諗 到 要 做 主 席 咁 大 件 事 ! 現 在 我 每 日 要 覆 幾 十 封 電 郵 , 病 人 想 睇 病 我 又 去 了 希 臘 開 會 , 個 個 國 家 代 表 都 有 幾 十 年 年 資 , 得 我 一 個 是 三 年 , 無 症 睇 時 就 要 狂 刨 資 料 溫 故 知 新 。 最 弊 我 唔 係 謝 天 華 , 一 見 鏡 頭 就 唔 自 然 , 又 唔 知 記 者 想 點 影 , 以 為 上 身 著 件 無 國 界 T 恤 當 宣 傳 就 得 , 點 知 記 者 又 要 全 身 相 , 結 果 連 下 身 西 褲 皮 鞋 都 出 埋 鏡 , 同 事 都 話 我 著 得 核 突 難 睇 。
我 其 實 有 九 兄 弟 姊 妹 , 我 排 行 最 細 , 謝 天 華 排 第 八 , 住 秀 茂 坪 二 百 呎 公 屋 , 幾 兄 弟 每 晚 就 似 沙 甸 魚 咁 瞓 。 阿 爸 在 我 九 歲 那 年 心 臟 病 猝 死 , 阿 哥 家 姐 要 放 棄 學 業 出 來 工 作 , 只 得 我 咁 幸 福 可 以 想 做 就 去 做 , 有 書 讀 又 讀 得 到 又 無 讀 到 黐 線 , 做 完 醫 院 急 症 室 醫 生 又 可 以 開 私 人 診 所 。
我 成 世 仔 未 做 過 義 工 , 當 初 入 無 國 界 只 是 覺 得 是 時 候 貢 獻 社 會 , 去 過 印 尼 一 年 醫 愛 滋 病 , 南 亞 海 嘯 我 都 有 幫 手 。 但 去 年 底 , 做 了 四 年 主 席 的 陳 英 凝 要 生 仔 , 成 個 board ( 無 國 界 醫 生 委 員 會 ) 都 覺 得 新 一 屆 主 席 應 該 繼 續 由 醫 生 出 任 , 但 委 員 會 內 只 得 我 一 個 是 醫 生 , 我 唔 做 就 無 人 做 。 就 係 咁 我 無 端 端 由 新 丁 變 主 席 , 更 估 唔 到 呢 個 職 位 咁 有 挑 戰 性 。
阿 哥 做 藝 人 就 要 曝 光 率 高 , 但 原 來 做 無 國 界 醫 生 主 席 一 樣 要 高 調 見 報 , 如 果 阿 哥 出 來 幫 我 頂 就 好 了 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載