蘋果日報 | APPLE DAILY
› 選擇地區
三藩市
紐約
洛杉磯
其他美國地區

硬 上 有 婦 之 夫   林 嘉 欣 : 「 我 鍾 意 佢 坦 白 ! 」

最後更新: 0804 16:35 / 建立時間 (HKT): 1021 00:00
19/10
戀 情 被 踢 爆 , 林 嘉 欣 一 反 低 調 作 風 , 在 住 所 樓 下 笑 住 回 應 記 者 提 問 , 並 直 認 與 有 婦 之 夫 陳 光 榮 拍 拖 。

九 九 年 林 嘉 欣 由 台 灣 重 返 香 港 娛 樂 圈 , 憑 着 與 公 司 老 闆 王 海 峰 「 好 朋 友 」 關 係 獲 開 水 喉 式 力 捧 , 電 影 套 套 大 卡 士 大 製 作 , 更 因 健 康 形 象 成 為 新 一 代 廣 告 女 王 , 兩 個 月 拍 六 個 廣 告 , 成 為 圈 中 小 富 婆 。
隨 着 林 嘉 欣 與 已 婚 唱 片 監 製 陳 光 榮 撻 着 , 今 年 六 月 , 林 正 式 與 王 分 手 。 力 保 多 年 建 立 的 健 康 形 象 不 再 , 而 手 上 洽 談 中 的 四 個 大 廣 告 , 三 百 萬 酬 勞 , 隨 時 凍 過 水 ; 林 嘉 欣 愛 情 大 過 天 錢 都 唔 要 , 本 週 二 公 開 直 認 鍾 意 新 歡 夠 坦 白 。

陪 出 火

林 嘉 欣 與 陳 光 榮 早 在 ○ 二 已 相 識 , 當 時 陳 為 林 嘉 欣 主 演 的 電 影 《 戀 之 風 景 》 配 樂 , 加 上 電 影 男 主 角 鄭 伊 健 與 陳 份 屬 老 友 , 彼 此 一 拍 即 合 , 未 幾 已 進 展 到 私 下 飯 聚 , 但 只 是 好 友 關 係 。
直 至 去 年 三 月 , 陳 光 榮 因 為 涉 嫌 抄 歌 , 事 業 遇 到 阻 滯 外 , 與 結 婚 多 年 的 太 太 潘 嘉 琪 感 情 又 出 現 問 題 , 林 嘉 欣 不 時 陪 伴 開 解 , 最 後 陪 出 感 情 , 擦 出 愛 火 。 而 仍 未 與 太 太 完 成 離 婚 手 續 的 陳 光 榮 旋 即 展 開 追 求 攻 勢 , 即 使 嘉 欣 經 常 離 港 到 外 地 工 作 , 他 亦 日 日 有 長 途 電 話 到 , 終 在 今 年 四 月 成 功 得 手 。
與 陳 光 榮 秘 密 來 往 數 月 後 , 林 嘉 欣 終 在 今 年 六 月 , 向 王 海 峰 提 出 分 手 , 自 此 , 林 便 毫 不 避 忌 , 與 陳 出 入 公 眾 場 所 。 本 月 十 一 日 晚 , 林 嘉 欣 與 陳 光 榮 在 中 環 國 際 金 融 中 心 睇 完 戲 , 被 目 擊 雙 雙 返 回 大 坑 住 所 宿 一 宵 , 翌 日 又 拍 住 拖 到 中 環 食 早 餐 撐 枱 腳 , 表 現 親 暱 。

豁 出 去

本 週 二 ( 十 月 十 九 日 ) 下 午 , 一 向 低 調 避 談 感 情 事 的 林 嘉 欣 外 出 , 對 住 大 批 守 候 在 她 大 坑 住 所 的 傳 媒 , 她 做 足 準 備 , 笑 晒 回 應 戀 情 , 坦 白 承 認 與 陳 光 榮 關 係 : 「 我 係 同 陳 光 榮 拍 緊 拖 , 佢 追 我 亦 有 同 我 講 清 楚 , 已 經 同 太 太 分 咗 居 。 我 鍾 意 佢 乜 ? 坦 白 囉 ! 至 於 係 唔 係 過 夜 ? 依 啲 係 雜 誌 講 。 」
林 嘉 欣 豁 出 去 的 態 度 , 明 顯 對 新 戀 情 不 惜 一 切 , 甚 至 不 顧 力 保 多 年 的 健 康 形 象 。 據 了 解 , 有 四 個 大 品 牌 廣 告 商 , 正 準 備 搵 林 嘉 欣 , 酬 勞 超 過 三 百 萬 , 大 客 向 來 重 視 形 象 , 公 開 承 認 搭 上 已 婚 陳 光 榮 , 林 嘉 欣 隨 時 見 財 化 水 。 但 星 皓 經 理 人 Polly , 對 林 形 象 受 損 的 問 題 只 肯 說 : 「 藝 人 嘅 私 人 事 , 我 唔 會 作 出 回 應 。 」

長 電 長 有

廿 六 歲 的 林 嘉 欣 , 以 笑 得 勁 甜 闖 娛 樂 圈 , 多 年 來 冧 掂 不 少 曾 合 作 男 演 員 外 , 身 邊 重 要 男 人 如 前 台 灣 經 理 人 張 洪 量 、 現 任 老 闆 王 海 峰 , 亦 先 後 成 為 裙 下 之 臣 。

張 洪 量
九 五 年 , 台 灣 歌 手 張 洪 量 在 一 個 fashion show 認 識 做 model 的 林 嘉 欣 , 後 張 開 經 理 人 公 司 力 捧 , 有 傳 因 林 無 法 忍 受 張 專 制 管 束 , 以 及 不 讓 她 歌 、 影 雙 線 發 展 , 二 人 終 反 面 , 林 亦 因 合 約 問 題 被 綁 多 年 。

王 海 峰
九 九 年 重 返 香 港 復 出 娛 樂 圈 後 , 林 嘉 欣 由 爾 冬 陞 穿 針 引 線 , 簽 約 王 海 峰 的 星 皓 公 司 , 火 速 被 銀 彈 政 策 力 捧 , 《 男 人 四 十 》 、 《 異 度 空 間 》 部 部 大 片 大 卡 士 , 出 入 更 有 老 闆 英 文 字 頭 ( AW ) 保 母 車 管 接 管 送 。

劉 燁
○ 三 年 與 劉 燁 合 作 《 戀 之 風 景 》 , 首 映 當 晚 , 名 草 有 主 的 劉 燁 對 林 嘉 欣 又 拖 又 攬 , 林 亦 坦 言 在 拍 攝 時 已 愛 上 對 方 , 電 影 煞 科 後 極 度 失 落 , 要 兩 個 禮 拜 時 間 才 成 功 抽 離 角 色 。

鄭 中 基
早 在 九 六 年 曾 經 拍 拖 , 鄭 中 基 更 一 手 引 薦 林 入 老 豆 鄭 東 漢 話 事 的 寶 麗 金 ( 環 球 前 身 ) 。 憑 太 子 關 係 , 仍 是 新 人 的 林 嘉 欣 , 已 有 機 會 與 天 王 黎 明 及 劉 嘉 玲 同 場 做 九 六 年 港 姐 壓 軸 表 演 嘉 賓 。 最 後 因 鄭 中 基 花 弗 , 拍 拖 半 年 分 手 。 八 年 後 二 人 再 合 作 《 我 要 做 Model 》 , 林 嘉 欣 以 SMS 出 擊 番 撻 鄭 中 基 。

音 樂 紅 人

陳 光 榮 是 本 地 紅 牌 唱 片 監 製 之 一 , 他 曾 是 樂 隊 「 Fundamental 」 成 員 , 樂 隊 解 散 後 , 跟 隨 翁 家 齊 做 錄 音 工 作 , 正 式 投 身 唱 片 幕 後 。 九 八 年 與 拍 拖 多 年 的 女 友 潘 嘉 琪 結 婚 , 並 先 後 為 鄭 秀 文 、 梁 詠 琪 監 製 唱 片 。 去 年 他 為 容 祖 兒 寫 了 《 我 的 驕 傲 》 , 由 大 受 好 評 到 被 踢 爆 抄 歌 , 事 業 出 現 困 局 ; 直 至 再 為 電 影 《 無 間 道 》 系 列 做 配 樂 , 陳 光 榮 才 再 被 重 用 , 女 友 林 嘉 欣 更 向 公 司 力 薦 陳 為 她 主 演 的 《 救 命 》 及 《 六 壯 士 》 擔 任 配 樂 工 作 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載