蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

港 女 深 圳 駁 髮 潮   直 擊 賣 髮 市 場

記 者 環 顧 髮 型 屋 內 , 發 現 不 少 港 女 都 為 駁 長 髮 而 來 , 客 人 對 「 駁 真 髮 」 趨 之 若 鶩 。
最後更新: 0803 04:30 / 建立時間 (HKT): 0906 00:00

近 年 港 女 愛 上 駁 髮 , 惟 本 港 駁 髮 由 數 百 元 至 幾 千 元 不 等 , 相 對 深 圳 駁 髮 平 得 多 , 只 需 200 元 左 右 , 加 上 內 地 髮 型 屋 近 日 標 榜 駁 真 髮 及 新 鮮 熱 辣 「 即 剪 即 駁 」 服 務 , 更 吸 引 一 眾 OL 爭 相 試 駁 。
不 過 這 些 所 謂 的 「 真 髮 」 從 何 而 來 ? 剛 駁 髮 不 久 的 歌 手 葉 佩 雯 也 說 , 男 友 Eric Kwok 不 敢 觸 摸 她 的 頭 髮 : 「 佢 話 都 唔 知 我 啲 頭 髮 喺 邊 度 嚟 , 物 主 可 能 係 印 度 人 , 或 者 死 人 喎 ! 」
為 了 尋 找 真 髮 來 源 , 《 便 利 》 遠 赴 有 「 髮 源 地 」 之 稱 的 重 慶 長 壽 縣 , 直 擊 村 婦 靠 賣 頭 髮 幫 補 家 當 , 估 不 到 「 真 人 駁 髮 」 竟 救 活 不 少 村 民 !

「 我 個 個 朋 友 見 到 我 把 長 髮 , 都 忍 唔 住 摸 吓 , 仲 話 好 似 真 係 我 啲 頭 髮 呀 ! 」 任 職 OL 、 本 身 是 短 頭 髮 的 Kiwi , 過 去 兩 年 曾 六 度 駁 髮 : 「 女 仔 係 咁 心 多 㗎 啦 ! 長 嗰 時 想 剪 短 , 短 嗰 時 又 恨 長 。 」

驚 駁 咗 死 人 髮

頭 兩 次 Kiwi 都 在 尖 沙 咀 、 旺 角 一 些 salon 駁 真 髮 , 每 次 花 費 約 1 千 元 。 一 次 跟 女 同 事 到 深 圳 消 遣 , 才 發 現 大 陸 駁 髮 平 。 「 大 陸 真 人 駁 髮 , 一 次 都 係 200 蚊 人 仔 左 右 , 如 果 識 講 價 , 100 蚊 都 得 呀 ! 」
她 每 次 駁 髮 後 , 大 概 維 持 兩 個 月 , 之 後 自 行 拆 掉 便 可 。 「 我 哋 𠵱 家 成 日 組 團 上 東 門 駁 真 髮 , 一 來 手 感 好 啲 , 二 來 駁 完 仲 可 以 做 負 離 子 、 電 髮 、 染 髮 都 得 , 整 完 就 好 似 自 己 啲 頭 髮 咁 , 就 咁 睇 根 本 唔 知 係 駁 嘅 ! 」
相 反 , 香 港 駁 髮 超 貴 , 「 真 人 駁 髮 」 收 費 更 是 海 鮮 價 , 由 1 千 至 1 萬 元 都 有 。
不 過 「 駁 真 髮 」 也 未 必 人 人 合 適 , Kiwi 有 朋 友 試 過 駁 髮 後 行 衰 運 : 「 佢 駁 咗 長 頭 髮 之 後 , 第 二 晚 落 D 玩 就 俾 人 偷 咗 部 手 機 , 幾 日 之 後 仲 惹 埋 官 非 。 佢 話 都 唔 知 啲 頭 髮 係 咪 喺 死 人 個 頭 剪 落 嚟 , 所 以 咁 邪 , 於 是 即 刻 拆 番 晒 ! 」
經 此 一 役 , Kiwi 北 上 駁 真 髮 也 有 戒 心 , 玄 學 家 方 海 閱 指 , 頭 髮 會 有 物 主 的 氣 場 : 「 如 果 賣 頭 髮 嘅 人 窮 或 者 運 氣 唔 好 , 氣 場 會 依 附 喺 頭 髮 , 令 到 駁 髮 嘅 人 沾 染 到 嗰 啲 霉 氣 , 而 死 人 嘅 頭 髮 仲 麻 煩 , 隨 時 撞 到 物 主 魂 魄 。 」

東 門 即 剪 即 駁

上 週 二 , 中 午 十 二 時 , 記 者 到 深 圳 東 門 的 九 龍 城 廣 場 , 發 現 場 內 約 八 成 店 鋪 都 是 髮 型 屋 或 美 容 院 , 大 量 穿 着 背 心 、 短 裙 的 性 感 女 拉 客 員 , 不 停 游 說 途 人 駁 髮 : 「 幫 襯 我 呢 間 啦 ! 150 蚊 成 頭 幫 妳 駁 喇 ! 」
位 於 三 樓 的 「 玉 蝴 蝶 Set 頭 化 妝 屋 」 更 有 「 即 剪 即 駁 」 服 務 , 老 闆 娘 笑 說 : 「 係 呀 ! 嗰 次 有 個 女 仔 嚟 賣 頭 髮 , 咁 啱 個 客 又 想 駁 髮 , 咪 即 刻 剪 落 嚟 駁 畀 佢 囉 ! 妳 又 唔 早 啲 嚟 , 今 朝 都 有 幾 個 人 嚟 賣 呀 ! 最 長 嗰 把 畀 咗 50 蚊 佢 。 」
老 闆 娘 隨 即 在 抽 屜 拿 出 幾 束 、 聲 稱 未 經 加 工 的 真 人 頭 髮 ︰ 「 呢 幾 把 頭 髮 都 係 今 朝 開 鋪 冇 耐 剪 落 嚟 㗎 咋 , 妳 睇 , 呢 把 係 一 個 細 路 女 㗎 , 幾 光 滑 呀 ! 」
記 者 拿 上 手 細 摸 , 感 覺 真 的 好 柔 軟 , 而 且 頗 為 清 潔 , 不 覺 有 開 叉 , 但 另 一 束 則 不 夠 貼 服 , 內 裏 更 藏 有 白 頭 髮 及 頭 皮 。 老 闆 娘 聲 言 : 「 每 個 星 期 都 有 幾 十 個 香 港 人 上 嚟 駁 髮 㗎 ! 」 最 後 記 者 以 350 元 駁 髮 , 全 程 由 年 僅 18 歲 、 身 穿 小 背 心 的 女 髮 師 負 責 , 只 需 1 小 時 , 記 者 便 由 短 髮 變 長 髮 , 雖 然 髮 質 接 近 , 但 駁 髮 手 工 略 嫌 粗 糙 。

重 慶 直 擊 賣 髮

事 實 上 , 駁 髮 已 是 一 般 髮 型 屋 必 備 服 務 , 有 港 商 便 覷 準 時 機 大 做 「 收 髮 」 生 意 , 遠 赴 四 川 的 窮 鄉 僻 壤 收 集 長 髮 。
「 大 陸 有 agent 喺 鄉 鎮 設 有 收 髮 站 , 向 路 過 嘅 長 髮 女 議 價 , 成 功 後 就 即 剪 髮 即 收 錢 , 頭 髮 愈 長 錢 愈 多 ! 」 一 名 agent 透 露 。
上 月 中 , 記 者 抵 達 離 重 慶 市 中 心 約 3 小 時 車 程 的 長 壽 縣 , 一 個 叫 「 玉 清 寺 」 的 菜 市 場 , 每 朝 清 晨 6 至 10 時 , 一 批 為 數 10 人 的 頭 髮 經 紀 便 在 此 爭 相 狩 獵 「 長 髮 女 」 。
一 名 揹 着 斜 袋 的 女 經 紀 , 甫 看 到 「 長 髮 女 」 便 上 前 揪 着 她 的 頭 髮 議 價 ︰ 「 嘻 … … 大 姐 , 妳 的 頭 髮 不 錯 , 我 給 你 ¥ 40 , 賣 給 我 好 嗎 ? 」 其 他 女 經 紀 亦 蜂 擁 而 上 , 邊 拉 着 對 方 , 邊 量 度 頭 髮 長 度 開 價 , 務 求 剪 下 她 的 長 髮 為 止 。
35 歲 、 當 了 頭 髮 經 紀 6 年 的 唐 女 士 , 每 天 大 清 早 便 趕 來 菜 市 場 , 「 我 每 天 可 以 找 到 20 多 個 賣 頭 髮 的 人 , 頭 髮 的 價 格 以 重 量 和 長 度 計 算 , 不 用 理 會 髮 質 , 總 之 愈 長 愈 貴 , 及 腰 長 髮 可 值 ¥ 60 。 」

賣 髮 生 意 大 賺

頭 髮 經 紀 每 星 期 將 收 集 好 的 頭 髮 交 給 判 頭 , 經 過 簡 單 加 工 後 , 轉 賣 到 廣 州 、 香 港 , 甚 至 歐 美 國 家 。 40 歲 、 當 頭 髮 判 頭 20 多 年 的 閻 先 生 說 : 「 我 以 前 是 農 民 , 改 革 開 放 後 , 發 現 歐 美 地 區 需 要 大 量 真 人 頭 髮 做 假 髮 , 於 是 轉 行 當 頭 髮 判 頭 。 」
他 得 戚 地 說 : 「 在 重 慶 我 是 最 大 的 頭 髮 商 , 我 家 中 存 貨 有 一 噸 , 很 多 頭 髮 經 紀 都 將 頭 髮 交 給 我 , 然 後 運 到 廣 州 和 深 圳 加 工 , 深 圳 一 間 叫 『 潤 利 興 』 的 假 髮 公 司 也 向 我 收 購 頭 髮 。 」
閻 先 生 的 家 位 於 重 慶 市 羅 壩 鎮 , 與 妻 子 和 三 個 兒 子 同 住 的 千 多 呎 的 兩 房 兩 廳 單 位 , 幾 乎 變 了 頭 髮 貨 倉 。
甫 踏 入 他 家 , 一 陣 霉 臭 味 撲 鼻 而 來 , 包 着 的 頭 髮 充 塞 屋 內 , 大 房 用 作 頭 髮 工 場 , 三 名 女 工 正 在 小 心 處 理 頭 髮 。 「 人 的 頭 髮 一 年 約 長 六 吋 , 三 、 四 年 便 可 長 及 腰 , 最 長 賣 到 ¥ 60 。 再 轉 售 假 髮 商 亦 視 乎 重 量 和 長 度 , 短 的 每 公 斤 賣 ¥ 300 , 最 長 的 每 公 斤 賣 ¥ 900 。 我 的 髮 源 來 自 萬 州 、 梁 平 和 長 壽 等 地 , 每 月 可 收 集 500 公 斤 的 頭 髮 , 生 意 額 有 幾 十 萬 元 ( 人 民 幣 ) 。 」

留 1 年 髮 賺 ¥ 10

頭 髮 收 集 商 賺 大 錢 , 賣 頭 髮 的 人 卻 無 啖 好 食 。 由 於 近 兩 個 月 重 慶 遇 上 百 年 大 旱 , 農 作 物 失 收 , 很 多 農 婦 都 要 賣 頭 髮 幫 補 家 計 , 女 經 紀 唐 女 士 解 釋 : 「 近 日 農 作 物 收 成 不 好 , 短 短 的 ( 頭 髮 ) 已 賣 出 來 。 我 每 公 斤 頭 髮 可 賺 取 ¥ 3 佣 金 , 每 天 約 有 ¥ 20 收 入 , 算 是 不 錯 。 」
一 名 剛 賣 完 短 馬 尾 、 年 約 50 歲 的 農 婦 李 太 熟 練 地 從 褲 袋 中 取 出 髮 夾 , 夾 着 飛 散 的 短 髮 , 但 因 她 的 頭 髮 太 短 , 只 收 到 ¥ 10 酬 勞 。 「 我 丈 夫 當 運 鹽 工 人 , 已 下 崗 ( 失 業 ) 一 年 , 但 找 不 到 工 作 , 積 蓄 又 花 光 , 惟 有 賣 頭 髮 幫 補 家 計 。 我 以 前 也 有 賣 , 一 般 留 髮 兩 年 多 可 賣 ¥ 50 , 但 我 這 頭 留 了 一 年 只 值 ¥ 10 , 沒 辦 法 , 家 中 已 一 貧 如 洗 了 。 」

村 民 悲 慘 賣 髮

像 李 太 般 淒 慘 賣 髮 的 故 事 , 在 重 慶 幾 乎 滿 街 都 是 ! 除 了 菜 市 場 , 附 近 的 住 宅 後 巷 亦 有 賣 髮 交 易 。
年 約 40 歲 的 村 婦 阿 春 , 抱 着 兩 歲 的 兒 子 到 來 , 將 束 了 3 年 多 的 濃 密 及 腰 長 髮 賣 掉 , 都 只 賣 得 ¥ 60 。 她 憂 心 忡 忡 的 對 女 經 紀 說 : 「 我 的 兒 子 病 了 , 我 拿 了 錢 後 便 帶 他 到 衛 生 站 ( 鄉 間 診 所 ) 打 點 滴 ( 吊 鹽 水 ) , 妳 給 的 錢 剛 夠 打 一 瓶 。 」
另 一 名 左 眼 包 着 藥 布 的 婦 人 為 籌 措 醫 藥 費 而 賣 髮 。 她 上 個 月 在 成 都 打 工 時 , 弄 傷 眼 球 , 之 後 被 辭 退 了 。 「 我 已 花 了 ¥ 500 醫 藥 費 , 家 裏 的 田 地 又 沒 收 成 , 賣 了 頭 髮 總 算 有 點 錢 用 。 」
港 人 在 深 圳 做 真 人 駁 髮 , 那 些 真 髮 便 極 有 可 能 是 來 自 內 地 農 婦 , 而 駁 髮 所 付 出 的 寥 寥 數 百 元 , 當 中 只 有 數 十 元 落 入 這 些 農 婦 手 中 , 最 賺 錢 的 只 有 真 髮 商 。

王 菲 駁 日 本 真 髮

名 髮 型 屋 Headquarters 的 Creative Technician Unas 說 , 公 司 曾 為 王 菲 、 Yumiko 、 鄭 伊 健 及 草 蜢 等 駁 髮 : 「 十 年 前 駁 髮 用 Fiber hair ( 纖 維 髮 ) , 後 來 日 本 率 先 改 用 真 髮 。 我 哋 啲 駁 髮 由 日 本 入 口 , 佢 哋 攞 咗 ISO , 消 毒 同 挑 選 過 程 都 好 嚴 謹 , 平 均 一 束 駁 髮 收 客 人 80 至 120 蚊 ( 未 包 手 工 ) , 大 陸 嗰 啲 手 工 明 顯 冇 咁 靚 。 」
PRIVATE i Creative Designer Julio 看 過 記 者 在 深 圳 的 駁 髮 後 表 示 ︰ 「 都 駁 得 OK , 不 過 香 港 嘅 technique 一 定 好 啲 。 」
記 者 到 過 旺 角 及 尖 沙 咀 一 些 中 小 型 salon 了 解 駁 髮 市 況 , 有 髮 型 師 表 示 , 本 地 真 人 駁 髮 多 由 日 本 、 韓 國 及 中 國 入 口 , 由 於 大 陸 駁 髮 只 需 150 元 , 即 使 部 分 本 地 salon 全 頭 駁 髮 只 需 600 元 , 亦 被 大 陸 影 響 生 意 。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載