蘋果日報 | APPLE DAILY
› 選擇地區
三藩市
紐約
洛杉磯
其他美國地區

爆 粗 CEO   何 華 真

今 年 四 十 七 歲 的 他 , 是 香 港 出 名 的 公 司 醫 生 , 專 替 百 年 老 企 處 理 繼 承 問 題 , 偏 偏 能 醫 不 自 醫 , 表 示 這 套 教 人 技 術 不 知 怎 傳 承 下 去 。
最後更新: 0804 17:58 / 建立時間 (HKT): 0416 00:00

長 毛 講 「 仆 街 」 、 煲 呔 則 「 狗 噏 」 , 令 全 城 捲 起 一 股 粗 口 風 暴 。
專 做 公 司 醫 生 的 Mastermind 行 政 總 裁 何 華 真 , 不 單 自 己 經 常 爆 粗 , 更 認 為 粗 口 是 職 場 必 修 的 一 課 , 「 講 粗 口 係 高 層 嘅 管 理 手 段 , 男 CEO 唔 識 講 粗 口 , 女 CEO 唔 識 應 付 粗 口 , 係 一 種 缺 陷 。 其 實 只 要 無 錄 音 , 即 使 句 句 提 到 性 器 官 都 無 所 謂 。 」
言 下 之 意 , 兩 者 在 議 會 爆 粗 各 有 不 是 。
何 華 真 不 單 三 字 經 厲 害 , 他 還 擅 長 用 非 常 手 段 剷 除 異 己 。

與 何 華 真 見 面 , 總 像 偷 偷 摸 摸 。 他 愛 抽 空 檔 時 間 約 記 者 到 不 同 的 律 師 樓 短 聚 , 「 一 陣 要 同 律 師 、 主 席 開 會 , 但 你 見 到 邊 個 主 席 都 唔 可 以 出 聲 , 因 為 簽 咗 保 密 條 款 , 唔 俾 透 露 公 司 任 何 資 料 。 」
如 斯 閃 縮 , 皆 因 聘 用 他 做 顧 問 的 公 司 , 可 謂 各 有 麻 煩 , 他 說 問 題 千 篇 一 律 , 包 括 老 牌 家 族 企 業 出 現 內 訌 , 又 或 二 三 線 公 司 發 覺 坐 食 山 崩 等 等 。
即 使 是 大 藍 籌 , 亦 會 醜 態 百 出 , 去 年 更 連 爆 兩 單 , 包 括 新 地 郭 氏 兄 弟 不 和 , 以 及 中 信 泰 富 炒 燶 外 匯 , 其 主 席 榮 智 健 拖 了 半 年 , 最 終 亦 要 人 頭 落 地 。
何 華 真 認 為 每 逢 經 濟 不 景 , 股 東 勢 必 怨 聲 載 道 , 平 日 口 和 心 不 和 的 家 族 開 始 變 臉 , 遂 找 公 司 醫 生 看 症 , 導 致 他 的 生 意 應 接 不 暇 。 「 我 嘅 職 責 , 就 係 要 處 理 蘇 州 屎 。 」

不 擇 手 段 除 異 己

他 以 執 屎 形 容 , 可 見 工 作 何 等 污 穢 , 「 簡 單 講 即 係 由 單 打 變 雙 打 , 幫 請 我 嘅 人 做 唔 敢 做 嘅 嘢 , 包 括 鬧 人 同 講 數 。 」
每 次 空 降 到 企 業 救 亡 , 他 例 必 舉 行 「 話 真 飯 局 」 , 務 求 與 各 高 層 搞 好 關 係 , 藉 此 觀 察 各 人 對 他 這 外 來 人 的 反 應 , 順 勢 摸 清 各 高 層 的 關 係 鏈 , 記 載 每 人 專 長 、 派 系 及 親 疏 關 係 , 因 為 隨 時 要 剪 走 危 險 人 物 , 怕 牽 一 髮 動 全 身 。
他 指 以 往 處 理 的 個 案 之 中 , 很 多 屬 老 牌 企 業 遇 上 改 革 困 難 , 經 常 有 恃 老 賣 老 的 叔 父 輩 阻 頭 阻 勢 , 表 面 上 是 擔 心 改 革 過 急 , 實 際 是 怕 既 得 利 益 受 損 , 為 反 對 而 反 對 。
面 對 這 景 況 , 他 會 試 找 對 方 痛 陳 利 弊 , 接 着 才 軟 硬 兼 施 , 口 頭 禪 是 : 「 你 咁 叻 , 你 嚟 做 啦 ! 」 若 對 方 執 迷 不 悟 , 惟 有 施 計 殺 一 儆 百 。
辦 法 之 一 , 是 翻 查 滋 事 分 子 以 往 開 發 的 單 據 , 取 證 對 方 有 否 多 報 公 數 , 他 笑 笑 口 說 : 「 呢 一 關 已 經 好 多 人 出 事 ! 」 要 是 未 有 收 穫 , 繼 而 再 找 私 家 偵 探 查 對 方 底 細 , 「 大 部 分 有 權 有 勢 的 人 , 都 有 不 可 告 人 的 秘 密 , 例 如 查 吓 佢 有 冇 包 二 奶 , 試 過 發 現 真 係 有 , 俾 佢 揀 一 係 自 動 辭 職 , 一 係 爆 大 鑊 。 」

狠 批 張 永 霖 黃 金 富

但 何 華 真 認 為 暗 招 只 能 除 小 人 , 要 改 革 成 功 , 必 須 老 闆 大 膽 放 權 。 他 接 着 將 火 頭 扯 到 亞 視 老 闆 查 家 身 上 , 「 查 家 夠 膽 請 王 維 基 搞 改 革 , 但 又 縮 沙 唔 肯 放 權 , 根 本 就 係 唔 識 做 生 意 。 人 哋 做 地 產 , 查 家 又 做 地 產 ( 香 港 興 業 ) , 但 做 得 差 過 人 ; 而 張 永 霖 聽 晒 查 家 話 , 亞 視 實 無 運 行 。 」
記 者 問 他 遇 過 那 位 老 闆 最 麻 煩 , 他 想 也 不 想 , 便 說 是 智 富 能 源 主 席 黃 金 富 。 ○ ○ 年 適 逢 生 物 科 技 熱 潮 , 黃 金 富 找 他 幫 忙 發 展 保 健 食 品 , 但 堅 持 自 研 的 藥 物 可 以 防 癌 , 硬 要 將 「 防 癌 」 字 眼 列 明 在 廣 告 上 , 何 華 真 認 為 此 舉 違 反 不 良 醫 藥 廣 告 條 例 , 對 方 卻 一 意 孤 行 。 結 果 該 藥 物 真 的 被 衞 生 署 警 告 , 須 收 回 防 癌 字 眼 , 雙 方 後 來 更 鬧 翻 , 「 始 終 我 只 係 俾 意 見 , 人 哋 要 死 , 唔 通 唔 × 俾 人 死 咩 ! 」 他 咬 牙 切 齒 說 。

爆 粗 先 有 偈 傾

何 華 真 說 話 , 夾 雜 大 量 粗 口 , 記 者 怕 出 不 了 街 才 刪 減 了 , 但 他 卻 不 以 為 然 , 「 同 啲 總 裁 傾 偈 都 係 咁 , 佢 哋 粗 口 講 得 仲 勁 , 咁 先 傾 到 嘢 ! 好 多 公 子 接 手 生 意 第 一 堂 , 就 係 要 學 講 粗 口 , 專 係 對 付 啲 長 輩 。 」
他 認 為 講 粗 口 不 等 於 沒 修 養 , 同 樣 理 由 , 找 他 救 亡 的 公 司 , 也 未 必 衰 到 貼 地 , 「 有 啲 公 司 存 心 搵 小 股 東 笨 , 根 本 唔 會 花 錢 搵 我 救 亡 。 」
但 無 論 如 何 , 推 進 深 切 治 療 部 的 , 未 必 每 次 手 術 成 功 。 他 試 過 改 革 失 敗 後 , 被 公 司 走 數 , 因 此 學 精 了 , 每 逢 接 客 例 必 要 求 賞 金 先 惠 , 平 均 每 小 時 收 四 千 元 , 然 後 再 按 營 業 額 增 幅 抽 佣 , 令 他 每 月 收 入 高 達 數 十 萬 元 , 「 唔 算 貴 啦 , 幫 到 間 公 司 起 死 回 生 , 少 少 錢 算 乜 。 」
他 說 近 年 的 個 案 不 便 透 露 , 但 得 意 之 作 包 括 十 多 年 前 向 國 內 電 腦 生 產 商 聯 想 獻 計 。 當 年 聯 想 還 未 在 國 內 獨 佔 鰲 頭 , 管 理 層 已 打 算 振 聲 威 到 法 國 大 展 拳 腳 。 何 華 真 認 為 國 內 市 場 龐 大 , 根 本 大 把 世 界 。 「 當 年 馬 雪 征 都 唔 識 做 生 意 , 大 陸 咁 大 都 唔 谷 , 法 國 請 個 人 開 間 鋪 幾 貴 呀 ? 佢 哋 好 自 大 , 連 通 用 電 器 都 未 知 係 乜 , 就 學 人 衝 出 去 。 」
他 笑 言 聯 想 雖 則 聽 了 他 的 建 議 , 沒 即 時 衝 出 海 外 , 但 近 年 亦 按 捺 不 住 , 收 購 IBM 的 個 人 電 腦 業 務 , 結 果 交 了 沉 重 學 費 。 「 IBM 係 美 國 貴 族 , 正 如 個 個 麻 甩 佬 都 想 搞 鬼 妹 , 咪 當 買 個 教 訓 囉 。 」

小 學 未 畢 業

「 你 唔 好 以 為 我 係 癲 , 我 只 不 過 瘋 狂 少 少 啫 。 其 實 鬧 交 係 一 種 思 辯 , 中 國 人 懶 含 蓄 , 收 收 埋 埋 , 但 真 理 係 愈 辯 愈 明 嘅 ! 」 他 這 種 放 任 性 格 自 小 便 養 成 , 小 學 更 因 操 行 不 合 格 , 而 取 不 到 畢 業 證 書 , 幸 好 學 能 測 驗 成 績 標 青 , 令 他 被 名 校 聖 保 羅 書 院 收 錄 。
真 名 何 華 生 的 他 , 八 四 年 在 大 學 讀 工 商 管 理 , 但 讀 至 最 後 一 年 , 有 公 司 聘 請 他 做 市 場 顧 問 , 因 覺 得 機 會 難 逢 , 遂 毅 然 輟 學 。
捱 了 六 年 , 在 美 國 取 得 MBA 資 格 後 , 九 ○ 年 另 起 爐 灶 開 顧 問 公 司 。 為 了 搵 生 意 , 他 經 常 到 不 同 商 會 及 講 座 流 連 , 開 門 見 山 找 公 司 老 闆 聊 天 推 銷 自 己 , 由 於 毋 須 太 多 成 本 , 每 月 做 一 至 兩 宗 生 意 已 收 支 平 衡 。
一 年 後 , 曾 是 他 客 戶 的 外 國 財 經 媒 體 找 他 合 併 , 易 名 Mastermind , 何 華 真 以 為 可 藉 此 向 外 國 大 展 拳 腳 , 豈 料 他 犯 下 聯 想 的 同 一 錯 誤 , 以 為 外 國 月 光 特 別 亮 , 對 方 根 本 沒 任 何 貢 獻 , 最 後 還 要 付 數 十 萬 元 , 買 回 公 司 的 股 權 自 己 搞 。
在 他 手 上 , 成 功 改 革 的 例 子 有 聯 想 、 中 原 地 產 、 李 錦 記 、 依 利 安 達 及 位 元 堂 等 。 現 為 天 泉 私 募 投 資 老 闆 的 陳 鎮 洪 , 十 多 年 前 因 何 華 真 帶 客 到 他 負 責 的 創 投 公 司 伸 手 要 錢 , 因 而 認 識 對 方 , 「 有 錢 人 好 多 富 不 過 三 代 , 何 華 真 專 幫 啲 企 業 後 代 解 決 問 題 , 佢 啲 方 法 夠 本 地 化 , 就 算 係 哈 佛 畢 業 嘅 CEO , 都 未 必 識 。 」 曾 是 他 客 仔 的 施 永 青 也 大 讚 其 醒 目 , 「 到 依 家 我 都 仲 有 介 紹 生 意 俾 佢 。 」
近 年 他 除 了 做 公 司 醫 生 外 , 還 在 城 大 兼 職 教 行 政 工 商 管 理 碩 士 課 程 。 他 每 年 給 學 生 最 後 的 功 課 , 皆 以 鄭 裕 彤 家 族 管 理 的 新 世 界 為 題 , 要 學 生 建 議 如 何 管 理 得 更 好 。 「 新 世 界 出 名 管 理 麻 麻 , 而 且 業 務 瓣 數 多 , 又 無 標 準 答 案 , 咁 先 考 得 起 學 生 嘅 思 考 能 力 。 」

自 稱 新 穴 居 人

香 港 經 歷 多 次 經 濟 重 創 , 令 消 費 模 式 大 變 , 何 華 真 稱 最 新 是 「 新 穴 居 模 式 」 , 特 色 是 以 家 庭 為 中 心 , 他 們 愛 在 家 享 受 高 清 節 目 , 活 動 範 圍 只 在 屋 企 附 近 的 商 場 , 所 以 大 家 樂 等 地 道 快 餐 店 最 受 惠 。
他 笑 言 自 己 也 是 新 穴 居 人 , 家 中 有 套 數 十 萬 的 影 音 設 備 , 專 睇 高 清 及 blue-ray , 喜 愛 搭 地 鐵 及 的 士 代 替 駕 車 , 除 非 同 老 闆 食 飯 鮑 參 翅 肚 , 否 則 僅 在 屋 企 附 近 的 茶 餐 廳 搞 掂 。

何 華 真 檔 案

47 歲   未 婚
84 年 ︰ 工 商 管 理 系 未 畢 業 , 受 僱 外 國 公 司 做 推 廣 及 顧 問 工 作
90 年 ︰ 美 國 大 學 工 商 管 理 碩 士
90 年 ︰ 創 立 David Ho Management Consultants Ltd.
91-92 年 ︰ 被 加 拿 大 外 資 入 股 , 改 名 Mastermind
92 至 今 ︰ 回 購 所 有 股 份 , 成 為 Mastermind CEO
00 年 ︰ 成 為 城 大 商 學 院 協 席 教 授

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載