蘋果日報 | APPLE DAILY
› 選擇地區
三藩市
紐約
洛杉磯
其他美國地區

洪 子 晴 自 資 百 萬 做 歌 女

天 使 look   天 使 造 型 是 洪 子 晴 的 構 思 , 「 碟 入 面 有 首 歌 叫 《 安 琪 兒 》 , 天 使 俾 到 人 希 望 嘅 感 覺 , 好 勵 志 。 」
最後更新: 0804 18:00 / 建立時間 (HKT): 0528 00:00

跟 戴 思 聰 學 過 唱 歌 、 又 曾 簽 陳 淑 芬 為 經 理 人 的 洪 子 晴 , 去 年 已 透 露 將 會 推 出 慈 善 唱 片 , 但 一 直 只 聞 樓 梯 響 , 以 為 冇 咗 件 事 , 原 來 已 進 入 最 後 階 段 , 唱 片 六 月 中 便 要 推 出 。 上 星 期 洪 子 晴 請 了 攝 影 大 師 張 文 華 操 刀 拍 唱 片 封 面 , 又 出 動 廿 多 套 私 伙 名 牌 衫 、 過 千 萬 珠 寶 首 飾 , 再 加 上 二 百 多 萬 製 作 費 , 實 行 打 造 一 隻 富 貴 慈 善 唱 片 , 捧 自 己 做 歌 星 。

絕 食

洪 子 晴 非 常 重 視 今 次 出 唱 片 , 拍 攝 前 三 、 四 天 , 一 向 有 做 運 動 的 她 還 刻 意 「 絕 食 」 , 「 同 朋 友 食 飯 時 真 係 好 辛 苦 , 佢 哋 叫 到 成 枱 都 係 嘢 , 為 咗 上 鏡 瘦 啲 好 睇 啲 , 見 到 好 嘢 唔 食 得 , 食 少 啲 塊 面 都 自 然 瘦 啲 。 」 除 了 絕 食 , 皮 膚 護 理 當 然 少 不 得 , 「 都 有 做 facial , 因 為 想 出 嚟 個 感 覺 乾 淨 啲 。 」
拍 攝 當 日 , 她 帶 了 二 十 多 套 私 伙 Valentino 、 Giorgio Armani 、 Chanel 、 LV 等 名 牌 衫 、 十 多 對 不 同 款 式 的 Fendi 、 Chanel 、 Gucci 、 Dior 鞋 、 六 套 價 值 千 萬 的 卡 地 亞 、 Van Cleef & Arpels 、 Adler 、 周 大 福 等 鑽 石 首 飾 裝 身 , 「 我 帶 咗 好 多 衫 同 首 飾 呀 , 唔 同 顏 色 、 款 式 , 等 攝 影 師 有 得 揀 嘛 。 」 她 又 透 過 大 碟 監 製 兼 好 友 黎 小 田 找 來 曾 為 王 菲 、 黎 明 、 容 祖 兒 等 拍 唱 片 封 套 的 攝 影 大 師 張 文 華 幫 手 。 問 洪 子 晴 今 次 封 面 有 何 主 題 ? 準 備 工 夫 做 到 十 足 的 洪 子 晴 笑 言 : 「 都 頭 痛 唔 知 要 乜 造 型 , 都 係 任 由 攝 影 師 舞 㗎 啦 。 」 而 張 文 華 就 坦 言 「 冇 主 題 」 , 「 雖 然 之 前 黎 小 田 俾 咗 幾 首 佢 嘅 歌 我 聽 , 不 過 其 實 冇 乜 特 別 主 題 , 主 要 都 係 影 靚 佢 。 」
到 正 式 拍 攝 , 洪 子 晴 不 停 擺 出 各 種 甫 士 , 不 過 張 文 華 嫌 她 動 作 略 為 生 硬 , 洪 子 晴 亦 有 同 感 , 「 影 咗 七 個 鐘 梗 係 攰 啦 , 又 餓 、 又 成 日 唔 可 以 食 嘢 , 不 過 為 咗 靚 , 冇 辦 法 啦 。 」

搵 富 豪 幫 手

洪 子 晴 找 來 譚 詠 麟 的 御 用 髮 型 師 Perny Tang 整 頭 髮 , 化 妝 師 就 用 幫 樂 基 兒 、 周 汶 錡 等 名 模 化 妝 的 Will , 「 佢 哋 聽 到 係 為 慈 善 , 就 係 咁 意 收 慈 善 價 。 」 如 此 星 級 製 作 , 付 出 的 錢 分 分 鐘 比 籌 到 的 善 款 還 要 多 , 問 她 為 何 不 直 接 捐 錢 ? 「 其 實 都 算 係 還 心 願 , 十 八 、 九 歲 時 有 機 會 出 碟 , 但 覺 得 娛 圈 好 複 雜 , 所 以 都 係 同 陳 淑 芬 解 咗 約 。 」
雖 然 有 心 , 但 始 終 不 是 名 歌 星 , 一 百 蚊 一 隻 唱 碟 , 要 推 出 五 萬 隻 , 一 般 人 未 必 會 買 喎 ! 洪 子 晴 說 已 有 全 盤 計 劃 , 她 打 算 找 富 豪 好 友 李 嘉 誠 、 李 兆 基 及 鄭 裕 彤 幫 手 , 叫 他 們 每 人 認 頭 一 萬 隻 唱 碟 , 目 標 是 籌 到 五 百 萬 , 捐 給 宣 明 會 、 紅 十 字 會 等 慈 善 機 構 。 「 仲 未 搵 佢 哋 㗎 , 不 過 彤 哥 介 紹 我 識 咗 兩 位 李 生 十 二 年 喇 , 今 次 真 係 為 慈 善 , 相 信 佢 哋 唔 會 托 手 踭 。 」 咁 算 唔 算 先 斬 後 奏 ?

百 萬 製 作

作 曲 、 填 詞 、 錄 音 $50 萬
報 紙 、 雜 誌 廣 告 $50 萬
一 千 張 海 報 $5 萬
時 代 廣 場 大 電 視 廣 告 $20 萬
五 萬 隻 唱 片 $75 萬
兩 首 MV $10 萬
化 妝 師 $4 千 ( 慈 善 價 )
攝 影 師 $5 萬 ( 慈 善 價 )
總 數 $2,154,000

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載