蘋果日報 | APPLE DAILY
› 選擇地區
三藩市
紐約
洛杉磯
其他美國地區

當 動 畫 搭 上 翠 華   鄧 東 明

為 配 合 電 影 宣 傳 , 翠 華 開 始 在 各 分 店 貼 上 主 角 的 海 報 , 並 會 陸 續 推 出 相 關 菜 式 , 「 鹿 仔 鍾 意 食 蘑 菇 , 而 家 諗 緊 以 蘑 菇 為 主 嘅 菜 單 。 」
最後更新: 0804 21:12 / 建立時間 (HKT): 0128 00:00

3D 立 體 版 《 阿 凡 達 》 上 映 至 今 兩 個 月 , 仍 然 一 票 難 求 , 加 上 3D 電 視 將 於 今 年 內 推 出 , 令 全 城 興 起 3D 熱 潮 , 甚 至 毫 不 相 干 的 翠 華 茶 餐 廳 , 亦 沾 手 搞 3D 動 畫 《 Little Gobie 》 。
茶 餐 廳 老 闆 當 然 不 懂 製 作 動 畫 , 真 正 落 手 落 腳 的 人 , 其 實 是 著 名 動 畫 公 司 意 馬 的 始 創 者 鄧 東 明 。
他 五 年 前 離 開 意 馬 , 放 棄 月 入 十 萬 元 的 筍 工 , 不 惜 向 外 父 借 錢 , 又 抵 押 父 母 的 居 所 來 搞 原 創 動 畫 。
雖 然 被 同 行 狂 嘲 畫 工 差 劣 , 卻 得 到 行 外 人 翠 華 老 闆 青 睞 , 投 資 七 千 萬 元 , 才 令 此 片 不 至 難 產 。

鄧 東 明 檔 案

39 歲   已 婚
88-92 年
入 行 做 廣 告 公 司 學 徒
92-98 年
開 設 廣 告 公 司
98 年
成 立 意 馬 , 製 作 3D 廣 告 動 畫
00 年
寶 途 以 一 千 萬 元 收 購 意 馬 , 轉 任 營 運 總 監
05 年
離 開 意 馬
07 年
成 立 電 影 公 司 T-Films
10 年
首 套 3D 動 畫 《 Little Gobie 》 將 於 年 底 上 映

上 月 翠 華 茶 餐 廳 突 然 踩 過 界 , 宣 布 投 資 七 千 萬 元 搞 3D 原 創 動 畫 , 頭 炮 作 品 《 Little Gobie 》 將 於 今 年 底 上 映 。 翠 華 茶 餐 廳 主 席 李 遠 康 雖 然 不 諳 動 畫 , 但 卻 信 心 十 足 , 「 導 演 鄧 東 明 有 多 年 經 驗 , 而 且 套 片 會 全 球 發 行 , 之 前 無 本 地 原 創 動 畫 試 過 。 」
雖 然 李 遠 康 信 心 爆 棚 , 但 電 影 業 界 卻 並 不 睇 好 , 有 同 行 看 過 試 片 後 更 嘲 笑 畫 工 差 劣 。 身 兼 導 演 及 原 創 者 的 鄧 東 明 雖 不 認 同 , 但 亦 坦 言 難 覓 投 資 者 , 「 同 四 五 間 公 司 傾 過 , 包 括 基 金 同 圈 內 人 , 都 話 無 興 趣 。 直 至 兩 年 前 經 朋 友 介 紹 , 認 識 到 行 外 人 李 遠 康 , 佢 考 慮 咗 一 個 月 先 肯 投 資 。 」

意 馬 創 辦 人

鄧 東 明 並 非 無 名 小 卒 , 他 是 本 港 著 名 動 畫 公 司 意 馬 的 創 辦 人 , 從 事 動 畫 達 二 十 年 , 自 小 愛 看 《 中 華 英 雄 》 和 日 本 動 畫 。 「 馬 榮 成 係 我 偶 像 , 佢 喺 山 月 畫 室 學 畫 , 我 又 跟 去 學 咗 幾 年 。 」 惟 他 中 五 畢 業 後 , 卻 跑 到 廣 告 公 司 學 電 腦 3D 繪 圖 , 「 既 然 無 人 超 越 到 馬 榮 成 , 不 如 試 下 玩 3D , 可 能 殺 出 血 路 。 」
他 八 八 年 入 行 , 月 薪 僅 二 千 多 元 , 要 清 晨 派 報 紙 幫 補 家 計 , 為 了 慳 錢 , 更 從 紅 磡 的 家 中 踩 單 車 到 九 龍 塘 上 班 , 「 人 工 仲 低 過 麥 當 勞 , 頭 兩 年 俾 唔 起 家 用 , 但 我 無 電 腦 底 , 貪 公 司 多 嘢 學 , 就 算 要 做 通 宵 都 唔 介 意 。 」 數 年 後 鄧 東 明 自 覺 滿 師 , 遂 開 了 山 寨 式 規 模 的 廣 告 公 司 , 「 學 軟 件 唔 難 , 電 腦 幫 你 計 晒 數 , 但 好 多 人 無 3D 概 念 , 要 靠 畫 多 啲 素 描 , 摸 索 物 體 比 例 。 」 輾 轉 至 九 八 年 , 他 再 成 立 意 馬 , 專 門 製 作 3D 動 畫 廣 告 , 「 多 數 接 公 關 公 司 生 意 , 有 時 生 意 額 有 幾 十 萬 , 有 時 乜 job 都 無 , 收 入 好 唔 穩 定 。 」
雖 然 公 司 未 上 軌 道 , 但 他 仍 分 心 搞 動 畫 , 他 見 鹹 蛋 超 人 從 未 推 出 動 畫 , 於 是 自 把 自 為 , 製 作 了 長 一 分 鐘 的 3D 超 人 試 片 , 向 版 權 商 自 薦 合 作 出 動 畫 , 「 佢 哋 滿 意 條 片 嘅 質 素 , 但 唔 滿 意 我 公 司 規 模 。 」 最 終 不 了 了 之 。
他 認 為 版 權 商 諸 多 掣 肘 , 如 其 求 人 , 不 如 自 創 3D 動 畫 , 花 上 半 年 時 間 製 成 長 達 二 十 多 分 鐘 的 短 片 《 時 空 冒 險 記 》 , 四 處 找 投 資 者 揼 水 , 可 惜 無 人 問 津 。 直 至 ○ ○ 年 , 他 因 工 作 關 係 , 認 識 了 上 市 公 司 聖 誕 樹 生 產 商 寶 途 的 太 子 爺 高 偉 豪 才 大 逆 轉 , 「 高 生 搵 我 幫 寶 途 做 公 司 網 站 , 後 來 發 現 我 識 造 動 畫 , 好 感 興 趣 , 仲 坐 低 睇 晒 我 套 卡 通 片 。 」

聖 誕 樹 太 子 爺 收 購

含 着 金 鎖 匙 出 身 的 高 偉 豪 , 看 畢 《 時 空 冒 險 記 》 後 , 認 為 大 有 錢 途 , 於 是 真 的 冒 險 以 上 市 公 司 名 義 , 用 一 千 萬 元 收 購 了 整 間 意 馬 ; 一 年 後 , 更 賣 掉 本 業 聖 誕 樹 業 務 , 將 公 司 易 名 意 馬 國 際 , 正 式 變 身 做 動 畫 股 。 高 氏 此 舉 受 盡 各 界 批 評 , 指 大 股 東 動 用 資 金 冒 險 , 罔 顧 小 股 東 利 益 。
鄧 東 明 作 為 這 宗 交 易 的 既 得 利 益 者 , 顯 得 不 願 多 說 此 事 , 「 高 生 係 大 細 路 , 間 房 有 好 多 玩 具 , 漫 畫 同 模 型 都 有 。 」 但 無 論 如 何 , 他 已 套 現 賺 到 一 大 筆 , 並 過 檔 新 公 司 擔 任 首 席 營 運 總 監 , 月 薪 達 十 萬 元 。
他 坦 言 重 做 打 工 仔 , 仕 途 的 確 順 風 順 水 , 得 以 有 資 金 將 《 時 空 冒 險 記 》 發 展 成 二 十 六 集 動 畫 , 並 在 香 港 及 日 本 等 地 播 放 , 還 贏 得 多 個 獎 項 , 而 他 更 讓 新 婚 的 太 太 辭 去 文 員 工 作 , 打 本 給 她 與 朋 友 合 資 在 銅 鑼 灣 開 樓 上 Cafe 。
《 時 空 冒 險 記 》 反 應 不 俗 , 收 回 數 千 萬 元 的 製 作 成 本 , 令 只 有 廿 來 歲 的 高 偉 豪 心 雄 起 來 , 目 標 要 做 全 港 最 大 動 畫 公 司 , 數 年 間 招 攬 了 數 百 名 動 畫 師 。 鄧 東 明 憶 述 : 「 淨 係 軟 件 技 術 支 援 已 經 請 幾 十 人 , 佢 哋 好 高 人 工 , 支 出 梗 係 大 。 」
由 於 人 多 開 支 大 , 意 馬 開 始 改 變 策 略 , 傾 向 做 授 權 動 畫 , 包 括 和 Bandai 合 作 《 數 碼 暴 龍 》 電 影 版 , 以 及 與 夢 工 場 製 作 電 視 動 畫 。 他 曾 多 次 向 公 司 反 映 想 做 原 創 動 畫 , 但 都 不 得 要 領 , 「 公 司 唔 想 冒 險 , 認 為 授 權 動 畫 有 票 房 保 證 。 」 ○ 五 年 高 偉 豪 決 定 投 資 三 千 萬 美 元 製 作 《 忍 者 龜 》 , 令 鄧 東 明 把 心 一 橫 辭 職 , 「 公 司 發 展 到 幾 百 人 , 有 無 我 都 唔 重 要 。 」

問 外 父 借 錢

突 然 放 棄 高 薪 厚 職 , 太 太 頓 感 錯 愕 , 「 佢 起 初 好 嬲 , 成 日 話 唔 明 我 , 有 份 好 工 都 唔 做 。 」 他 留 在 家 中 兩 年 搞 動 畫 , 閒 時 靠 接 廣 告 賺 萬 多 元 外 快 , 不 經 不 覺 便 燒 了 大 半 積 蓄 。
太 太 最 後 心 軟 , 賣 掉 樓 上 Cafe , 並 向 自 己 父 親 借 了 一 百 萬 元 , 讓 丈 夫 有 資 金 與 幾 名 投 資 者 合 股 製 作 熊 仔 動 畫 , 中 途 將 半 製 成 品 參 賽 , 竟 奪 得 數 碼 娛 樂 傑 出 大 獎 。 原 以 為 自 此 便 一 帆 風 順 , 但 最 後 因 投 資 者 不 咬 弦 , 不 再 注 資 , 令 此 片 胎 死 腹 中 , 「 套 戲 做 好 四 成 , 但 版 權 唔 屬 於 我 , 無 可 能 重 見 天 日 。 」
事 業 又 再 跌 一 跤 , 但 他 卻 未 肯 認 輸 , 「 套 片 質 素 無 問 題 , 只 係 唔 夠 資 金 , 我 唔 想 咁 快 放 棄 。 」 他 厚 着 臉 皮 要 求 父 母 抵 押 了 黃 埔 花 園 住 所 , 套 現 二 百 萬 元 , 成 立 電 影 公 司 創 作 《 Little Gobie 》 , 「 佢 哋 死 慳 死 抵 先 買 到 層 樓 , 今 次 真 係 盡 地 一 煲 。 」
為 了 慳 錢 , 公 司 只 有 五 名 員 工 , 花 了 八 個 月 時 間 , 才 完 成 十 多 分 鐘 的 試 片 。 「 《 阿 童 木 》 用 咗 六 億 , 因 為 有 好 多 資 金 用 嚟 開 發 軟 件 技 術 , 但 我 用 現 有 軟 件 就 算 , 一 樣 上 到 大 場 面 。 」 幾 經 辛 苦 , 終 於 找 到 翠 華 老 闆 入 股 , 得 以 完 成 整 套 電 影 , 令 他 如 釋 重 負 。 記 者 請 他 估 計 票 房 , 他 笑 說 難 以 預 測 , 也 懶 理 行 家 的 批 評 , 表 示 很 有 信 心 回 本 , 「 我 哋 套 片 都 有 3D 立 體 效 果 , 賣 飛 可 以 貴 四 成 , 但 成 本 只 係 多 一 成 半 , 而 且 毋 須 額 外 多 花 時 間 製 作 。 」 他 更 指 翠 華 已 揼 本 再 投 資 七 千 萬 元 , 拍 攝 另 一 套 以 消 防 員 做 題 材 的 3D 動 畫 。 現 時 他 每 月 支 薪 四 萬 元 , 雖 然 人 工 少 一 大 截 , 惟 有 靠 滿 足 感 彌 補 , 「 外 父 筆 錢 已 經 還 晒 , 我 有 信 心 好 快 贖 番 父 母 層 樓 。 」

3D 動 畫 里 程 碑

1995 年 Pixar 推 出 全 球 首 部 , 全 電 腦 模 擬 3D 效 果 的 動 畫 《 反 斗 奇 兵 》 , 全 球 票 房 三 億 六 千 萬 美 元
2001 年 夢 工 場 推 出 《 史 力 加 》 , 主 打 成 人 市 場
2003 年 Pixar 的 《 海 底 奇 兵 》 為 全 球 最 高 票 房 動 畫 , 收 逾 八 億 美 元
2004 年 華 納 兄 弟 製 作 《 北 極 快 車 》 , 是 首 部 以 Imax 3D 技 術 製 作 的 動 畫
2007 年 香 港 播 放 首 部 3D 立 體 電 影 《 羅 拔 神 奇 家 族 》 , 須 佩 戴 立 體 眼 鏡 收 看
2008 年 經 典 動 畫 《 怪 誕 城 之 夜 》 以 3D 立 體 版 本 再 度 上 映
2009 年 《 怪 誕 隨 意 門 》 是 首 部 3D 立 體 定 格 動 畫 , 主 角 以 布 公 仔 做 成 , 每 拍 攝 一 格 畫 面 , 動 畫 師 需 拿 起 公 仔 , 轉 換 動 作 再 繼 續 拍 攝 , 製 作 時 間 長 達 三 年
2010 年 《 反 斗 奇 兵 3 》 將 會 以 3D 立 體 版 本 上 映

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載