› 選擇地區
三藩市
紐約
洛杉磯
其他美國地區
香港 台灣 北美
 

李泳漢 李泳豪 打靶不離親兄弟

訪問期間,泳漢爆細佬小時是賴屎王。「佢成日賴屎,所以經常同佢一齊沖沖吓涼會有一嚿嚿嘅嘢浮喺水面,佢賴屎賴到五歲!」令本來失戀緊無乜笑容嘅泳漢都忍唔住笑。
最後更新: 0804 18:50 / 建立時間 (HKT): 0818 00:00

若非楊思琦因劈腿分手要大話連篇,背負食軟飯污名的李泳豪,不會藉此除去九年的寃屈包袱。失去至愛,但脫罪落得一身輕。若非多得她為反擊,九唔搭八指分手其中原因,係睇唔過眼泳漢恰細佬泳豪,仲打斷細佬手,孖生大佬就唔會做 咗細佬箭靶,被傳媒揭舊賬,在阿嬌事件發生後九年,再次成娛樂焦點。
多得她,這對雙生兒有機會一晒兄弟情。細佬泳豪跟生得一副惡相的老豆鼎爺如餅印,又受父親薰陶練得一身好武功,但剛烈得個殼,一場失戀風暴,為深愛女人哭得肝腸寸斷,揭穿他外剛內柔真面目。相反哥哥泳漢,因長得似母親施明,天生女兒相,多年來都被誤為 乸型同志。但處理危機,佢其實硬淨過細佬。
兩兄弟天生掉轉個殼,多得她俾機會佢 哋,撥亂反正。

謀士與戰士

兩兄弟童星出身,打從上小學開始,就常因薄有名氣成同學挑釁對象,看似軟弱的泳漢永遠是首當其衝。「記得我 哋第一日返喇沙小學,就俾幾個風紀係咁打,細佬會幫我擋,俾人打足三日,又唔敢同阿爸阿媽講,唯一解決方法就係告狀俾校長聽,不過到校長帶我去認人,見佢驚到震晒,結果無指證佢,大家做 咗朋友。」泳漢說。
之後兩兄弟到美國升中,遇上校園華人黑幫用槍指嚇欺負,呢對孖仔仍然以一個謀士,一個戰士,在學校齊齊「出生入死」。沉默寡言的泳豪終於開腔:「 嗰度 嘅校園暴力其實好嚴重,每次阿哥俾人恰,我會出拳保護佢,但打打吓人家出埋槍,就無得靠肉搏。」細佬拳頭拆唔掂,阿哥食腦解圍。泳漢說:「佢 哋以為我唔夠膽報警我就報,班老外警察終於等到機會走入學校拉班黑社會,因為搞大 咗件事,媽咪帶住我 哋漏夜從 LA東岸搬去西岸。」
成長過程遇上太多欺負,外柔內剛的泳漢,悍 衞能力越來越強,反而拳頭交當飯食的細佬泳豪,成長中漸漸變得內斂。「打交搞到成日見家長,自己都覺得醜,所以去到初中無再打交。依家個人比較鍾意退一步。試過俾朋友呃錢,我選擇算數,唔係怕事,係知道自己一發脾氣就好衝動。」難怪失戀兼夾食死貓,當事人被屈都仍然啞忍,反而阿哥第一時間挺身踢爆楊思琦的大話。
處事較細佬冷靜的阿哥,在美國大學修讀政治,十八歲被美國軍校取錄,一心畢業後從軍,但因母親反對,惟有回港重投娛樂圈,走上並不稱心如意的事業。

齊遭鄙視

至於泳豪,在美國大學畢業即被導演南燕召返香港,在電影《監獄風雲之少年犯》演其中一個男主角。可惜遇着當年院線爭拗問題,擔正處男作上映幾日落畫。「之後仲有一套同古天樂合拍 嘅《陰陽路 7》,我佔幾重戲份,以為呢鋪中,點知翻版問題嚴重影響票房。」反而幫劇集《妙手仁心》客串癱瘓病人就有 feed back,「寄厚望卻係失望而回,反而無期望又往往俾到我 surprise。」事業同愛情都係咁!
○六年有傳媒指泳豪靠女友養,並冠以軟飯王稱號,「試過有班女人兜口兜面鬧我賤男,自此我好似患上妄想迫害症咁,望到人家口郁郁就覺得佢係話緊我,好辛苦呀!有兩年時間我成日匿埋 喺屋企。」但同女友共患難,感情反而更堅固,「到捱過 咗,近年教飄移賺到多 啲錢,我有能力養家就計劃結婚,點知分手收場。經驗話俾我知,任何事唔好有期望。」
其實當街被辱罵的滋味,泳漢比他更早嘗過。當年他向阿嬌求愛一場大龍鳳,令他列入騎呢一族,出街俾人鬧變態。「其實新聞出 咗後我公開解釋過,但無人理會。我係俾人擺上 枱做新聞,我都係受害者。」

睇女大分歧

這對雙生兒感情深厚,由細到大甚少拗撬,唯一分歧就是對象口味。阿哥自爆:「我追親女仔,十個有八個見埋我細佬就轉軚,咪就係唔夠佢靚仔!」阿哥帶挈咁多飛來蜢,何解泳豪只得一個初戀前度楊思琦咁 dry?他一味搖晒頭:「佢鍾意親啲女仔都係好多 嘢講,好野性,我比較鍾意斯文安靜 嘅女仔,所以無福消受。」泳漢插嘴:「佢追女好唔掂, 喺美國讀書,佢鍾意個台灣女同學,直接走去同人講:『你可唔可以做我女朋友!』邊有咁唔浪漫 㗎!結果變成全校笑柄。」
泳豪當年 孭住拍劇墮馬受傷的楊思琦落山求醫,感動女方,都算係追女大躍進。不過阿哥仍然有話講:「佢對女人 嗰套百分百遷就,我真係不敢恭維。有個鬼佬教授同我講,對女仔要兩次 Say No,一次 Say Yes,咁至唔會俾佢食住!」一副專家口吻的泳漢,愛情戰績亦不見好得多,「真正被確認男友身份只有兩段。不得不承認阿嬌事件,好影響我結識異性。所以廿三歲初戀之後,等到上年我先再有拖拍。」
兩兄弟的愛情同樣衰喺第三者,巧合之處,係去年泳漢女友的分手留言是:「雖然我離開你,但永遠愛你!」跟楊思琦撇泳豪時如出一轍。「所以細佬失戀,我感同身受。」

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載