蘋果日報 | APPLE DAILY
› 選擇地區
三藩市
紐約
洛杉磯
其他美國地區

洪子晴想做龍新娘

洪子晴很快便揀到心水桃花,她笑說:「可能今年真係搵到真命天子都唔定喎。」
最後更新: 0804 19:03 / 建立時間 (HKT): 0126 00:00

行花市,已經成為過年前指定動作,即使是名人明星,都想到花市感染一吓年宵的熱鬧氣氛,當然每個人亦各有所求,好似李麗娟為了三十年來首次的家族大團年,篤住柺杖都要去辦年貨;黃婉曼希望龍年財源滾滾來;洪子晴就施展桃花陣,實行要喺今年搵到個如意郎君 Mr. Right!

曾經出過慈善唱碟、現任汕頭市政協的洪子晴,四年前離婚後一直單身,近年忙於在大陸發展其礦業、房地產等生意,在英國 Uppingham College讀書的十八歲兒子 Wilson,明年將入讀倫敦經濟政治學院,她說事業及家庭都不錯,所以新年願望最重要是找到真命天子。「兩個 BB(兒子)都好孝順,自己事業都唔錯,只係差另一半,哈哈!每日睇報紙,見到咁多人結婚,所以都想快 啲搵個如意郎君, 啱 嘅都想今年結婚。」

雖然心急,但她擇偶條件絕對不會降低,「佢要心地善良,錫我屋企人,有上進心,樣貌要靚仔,因為我追求完美,年紀唔好大太多,要有君子風度。」就算碰到符合某些條件的對象,洪子晴都話揀唔落手,「有咁多個追我,都揀唔到,相處落都唔係我想要 嘅 嘢。」

處女桃花

為了求姻緣,洪子晴於年宵開市首日即去維園,揀棵靚靚桃花增強運勢,她揀花很有一手,因多年前她開過花店,所以大有心得,「我對擺法、插法都好熟悉。」
不過她竟然從未在家擺過桃花,「每年屋企會放三十盆年花,好似牡丹、大桔。」不過有說桃花一開始擺,就年年都要有,洪子晴聞言笑笑口話:「今年搵到(真命天子)咪唔使再擺囉!」

李麗娟三十年約定

前民政事務局常任秘書長李麗娟,和名媛妹妹李桂蘭,未到農曆新年已忙個不停,為的是他們三十年來難得的家庭聚會,大家姐李麗娟說:「我哋九兄弟姊妹,三十年來未試過齊人喺香港過新年。」這天兩姊妹冒雨去旺角辦年貨,細妹李桂蘭話:「幾辛苦都值得。」
因為扭傷膝蓋要篤住柺杖的「眾人媽打」李麗娟,同細妹來到旺角花墟買花,大家姐一馬當先入店內揀五代同堂,媽打說:「好意頭,我要買九盆,每家人送一盆。」
之後兩人想買袋袋平安(荷包蘭),可惜無貨,媽打轉攻水仙,「荷包蘭的品種好少,依家有錢都未必買到,我屋企嗰盆係四年前買,故友司徒華在《大江東去》書中都有講,看到荷包蘭,華叔都會笑。」李桂蘭除了買水仙、富貴子,更被她發現一盆五呎高的茶花樹,她即扑槌買下,「以前喺英國成日見到,顏色靚又浪漫,買來送俾我老公。」

兒時回憶

買完花,媽打帶路去她幫襯多年的老店八珍買賀年食品。說起兒時,兩姊妹均異口同聲說:「細個幫媽媽用玻璃樽搓麵粉整角仔,實情是玩麵粉多過幫手。」家裡習慣吃完團年飯後,媽媽會放壓歲錢,李桂蘭說:「媽媽會將一對桔同利是放喺每個人的床頭。」說起今年的團年飯,媽打好興奮的說:「好高興,嗰晚喺我屋企食,咁齊人要擺四圍先坐得晒。」

黃婉曼龍年買樓夢

天氣女郎黃婉曼憑金句「跳出香港」,人氣急升,過檔 now主持遊戲節目《撳錢》,工作不斷,不過她對兔年工作似乎仍不滿意,新年願望是:「多 啲 嘢、多 啲 嘢、多 啲 嘢做!我決定今年要做死自己!」即係要搵多啲錢啦!她說這一年工作太過穩定,希望來年可以再忙啲,「對比起前年世界盃係好忙,今年叫做抖 咗一陣,龍年希望試做多 啲唔同 嘅 嘢,有計劃會跳出香港, 嚟緊會幫港台拍 啲劇。」當然,更重要是希望搵多 啲錢,「因為大個女,想儲錢及買樓。」

放飛機

不過她未儲錢先破財,皆因已數年沒有行花市的她,興奮到幾乎見嘢就買,加上很多檔主都是學生哥,他們都湧到黃婉曼面前落嘴頭,她幾乎來者不拒,就連價都唔講,大受歡迎,她笑言:「我要幫佢 哋交學費嘛。」見到學生們落力推銷,她說最懷念是與昔日大學同學行花市,「呢度係我同大學同學聚會 嘅地方,因為以前大家讀書好忙,所以會同幾個好朋友一齊行年宵,我 哋行得好慢,利用呢段時間傾偈,當買完 嘢,跟住又各散東西,但呢兩年因為忙,有時應承 咗又冇到,所以佢 哋叫我『飛機王』,哈哈。」

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載