蘋果日報 | APPLE DAILY
› 選擇地區
三藩市
紐約
洛杉磯
其他美國地區

港版足球小將 城大生成甲組球員

談樂軒  21歲 城市大學應用社會學 Yr.1
最後更新: 0808 10:42 / 建立時間 (HKT): 0815 00:00

很多大專生做兼職只求賺生活費,於城市大學就讀應用社會學的阿軒,為理想早已成為香港甲組球員,曾代表港隊出戰奧運外圍賽,到外地比賽增廣見聞。阿軒現要操練和學業兩邊跑,雖然辛苦,但他都堅持下去,因他立志成為如戴志偉一樣的足球員。

倫敦奧運剛完結,身為公民足球會球員的阿軒, 11年曾入選香港奧運足球隊,在奧運外圍賽首輪首回比賽,阿軒交出 3個助攻及一個入球,協助香港 4比 0大勝馬爾代夫,「贏 咗呢場波可以入第二圈,雖然去唔到倫敦,但有得代表香港比賽,真係好開心,希望將來可以踢得更好。」
原來今年只有 21歲的阿軒,成為香港甲組球員已 5年,參加過不少比賽,最令球迷留下深刻印象是, 11年公民對南華的香港高級組銀牌決賽,「呢場波我做後備,上半場我 哋落後緊 0比 3,下半場追到 2比 3時,教練派我落場, 嗰一刻我都有少少緊張,但個心好想贏,喺 88分鐘,隊友助攻畀我射入 1球,追平 3比 3。」最後射 12碼,公民 7比 3勝出,奪得冠軍,阿軒可謂奪標功臣之一。
阿軒表現有如足球小將,原來他的偶象真的是戴志偉,「我自細就鍾意周圍跑,自睇 咗漫畫《足球小將》後,好鍾意戴志偉,對足球產生 咗興趣,日日落樓下公園同其他小朋友踢波, 4年班仲參加埋麥當勞青少年足球推廣計劃,對足球愈 嚟愈感興趣。」

去英國睇 C朗練波

因表現好,阿軒 14歲時,學校推薦他參加由香港曼聯足球學校舉辦的全球精英大賽,與 600位球員一起選拔,得到去英國曼聯奧脫福球場的機會,「去到奧脫褔,可以好近咁睇到 C.朗拿度同李奧費迪南等超級球星練習,佢 哋 嘅魅力感染到我,令我好想成為職業足球員。」
阿軒其後入選香港 U16足球代表隊,到外國比賽增廣見聞,「當時去過關島、北韓、印尼等地方比賽,北韓個機場好細,好似一塊空地,落 咗機行唔夠 10分鐘就出到去,不過入境要沒收電話,走先會畀番我 哋;而去日本就親身感受到日本球員 嘅球技,球場設施同草地質素普遍都比香港好,呢 啲都係難得 嘅經驗。」
阿軒亦由 16歲開始加入港甲,曾轉戰 3隊球隊,「最初我加入華家堡,但 嗰時要會考,以兼職身份跟操,之後轉 咗去東方足球會,算係一名職業足球員。之後東方散班,公民足球會招攬我,直到家。其實 喺香港踢波比其他運動項目收入唔算太差,家每個月都約有$5,000嘅收入。」

考取學位多個選擇

有感運動員的壽命不長,阿軒同時考入大學為將來作準備,「家 喺香港有個學位始終比較好,所以上年我就申請咗城大 嘅運動員計劃,家讀緊應用社會學。」
學業和足球兩邊奔走絕不輕鬆,阿軒表示為了足球會堅持下去,「我選科時,會盡量揀 喺下午上堂,每日朝早 9點幾練波,大約要操 3至 4個鐘,之後就趕返學校上堂。有時就唔到時間,可能會走堂,或者會上完堂先趕去練波,其實都覺得辛苦 㗎,不過一望到足球,心中 嘅鬥志又喺番度。」
說到畢業後的發展仍是未知之數,「上季開始,教練畀多咗機會我落場,希望可以踢出成績,所以 喺操練方面會落力 啲,家足球及學業都兼顧到,之後 嘅事可能等畢咗業先再打算。」

副隊長沈國輝

睇得出阿軒好有潛質, 喺盤球、傳波、體能等方面都比同年紀 嘅人優勝,已經有甲組 嘅水平,知道佢要讀書同練波兩邊趕,有時未必準時 嚟到練波,但點都會到,真係好有毅力。

公民足球會教練貝可泓

阿軒好勤力,知道佢要兼顧學業同踢波,要好有恆心先可以堅持落去,佢家兩方面都唔差,證明佢真係好畀心機。見到佢之前表現唔錯,今年會畀佢多 啲落場機會。

點樣成為職業球員?

如果想成為甲組職業足球員,可以先經過選拔加入各球隊的青年軍,各球隊每一球季都會舉行青年軍的選拔,可留意球隊網站發放的資訊。公民足球會教練貝可泓說︰「我 哋會不時留意各隊 嘅青年軍會唔會有合適 嘅球員,當時我覺得阿軒好有潛質,所以招攬佢過 嚟。」現時甲組球員可約有 4千至 3萬 嘅收入不等,視乎球員經驗、球會經費等而定。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載