蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

大團圓

一家人隔住個傅明憲(右二)同枱食飯,趙世曾未有同楊如芯說話,反而同前女友姚煒有偈傾。
最後更新: 0804 19:40 / 建立時間 (HKT): 0822 00:00

一家人邊有隔夜仇,趙世曾雖然高調反對女兒趙式芝的同性婚姻,但為咗個女,佢嘅態度最終軟化,一家人終於坐埋同枱食飯;與癌魔惡鬥的司馬燕,身體漸見康復,仲可以睇住囝囝拍拖添。

趙式芝 女大女世界

曾以五億招婿、反對女兒趙式芝與密友楊如芯結婚的趙世曾,提名女兒參選「時尚專業女性」,上週六趙式芝獲獎,久未同場的父母現身撐女,更難得楊如芯亦同場,拍下世紀合照。
首見家翁的楊如芯表現沉默,問她感受如何?她只顧笑着點頭,而趙生就話:「女大女世界,我不嬲都唔理佢嘅生活。」上台講感受時,趙式芝多謝父母栽培,仲公開向另一半示愛:「多謝佢夜晚同我冚被,幫我叉電話,朝早踢我起身返工。」

司馬燕 有子初長成

抗癌成功的司馬燕,早前同丈夫到荷蘭再行婚禮慶祝結婚十七年,順道一家四口坐郵輪歐遊。上週三,他們出席《波西傑克森:妖魔之海》首映,當晚還多了一個靚女(圓圖)同行,司馬燕笑住望一望身旁的十六歲長子吳景滔,「佢在郵輪上識咗好多朋友,細佬踢爆有一晚佢玩到朝早六點先返房,都大個仔囉!」原來景滔已經有女朋友啦!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載