› 選擇地區
三藩市
紐約
洛杉磯
其他美國地區
香港 台灣 北美
 

上聲樂課程 學運氣發聲 與你共鳴

聲樂課程多以單對單或一對二進行,導師 Winki(左)表示:「上堂會同學員做開聲練習,訓練口部各個肌肉嘅運用。」
最後更新: 0222 13:50 / 建立時間 (HKT): 0119 00:00

電影《星聲夢裡人》於第 74屆金球獎橫掃 7個獎項,香港還未上映,已先聲奪人,相信歌聲能感動萬千觀眾;另一套動畫《星夢動物園》亦講述一班各有夢想的動物,在舞台上以歌聲感染大眾,實現自己的夢想。想以動聽的歌喉,令大家共鳴,也需要學習正確的方法, Parkland Music開辦的聲樂課程,會教學員呼吸方法、發聲技巧及情感表達,想在鎂光燈下成為主角,再不是幻想。

課程由考獲英國皇家音樂學院聲樂演奏級,及有 5年聲樂教學經驗的 Winki任教,「課堂初期,我會教學員呼吸、運用丹田運氣等,要有足夠嘅氣,先可以做到共鳴。之後,會教大家歌詞咬字、節奏掌握同情感表達嘅方法,唔同種類嘅歌,都會有唔同嘅演繹方法同風格,例如歌劇會多用口腔音、共鳴位置會多啲、聲音會厚啲; Disney呢類 pop風格,聲音要實啲同埋要似合唱團。」

學發音咬字

課堂教的曲目以古典及巴洛克時期的歌為主, Winki會訓練學員的發音及咬字,「𠵱家好多人有懶音問題,英文好多時冇尾音,好似『 s』、『 v』同『 f』;中文歌詞好多時會有『 sh』音、口水聲同鼻音,我會教大家控制同放鬆口部各種肌肉,然後改變咬字習慣。」 Winki會先示範,然後跟學員討論分別之處及問題所在,「會就問題而講解聲帶轉位、口腔音、喉嚨音、將共鳴位放前放後等做法,亦會訓練佢哋嘅聽力,令音準更好。」

教聲線轉換

聲樂課程一般分為 8級, Winki表示當學員考取 5級後,便有機會學習更多語言的歌詞,如意大利文、拉丁文及德文,亦會教學員以聲線的轉換、速度、大細聲來表達情感。當考取 8級後,可以留意不同琴行的招聘,初入行的聲樂導師時薪約為$150至$300,資深導師的時薪則可達$800至$1,000。

Winki導師:除咗做聲樂導師外,有啲學員嚟學聲樂係想改善自己嘅演講方式,識得用氣用聲,冇咁傷聲帶。另外,亦有好多學員係夾 band同埋做話劇,想令表演更完美。

Calvin學員:我有玩音樂,覺得學埋唱歌可以更全面表現自己,課堂上學咗好多發聲同運氣嘅技巧,覺得自己進步都幾大。

簡浩明學員:我有夾開 band,對聲樂都幾有興趣。到𠵱家大約學咗半年,掌握到點樣呼吸、發聲同運用丹田,平時要練習多啲,就會做得更好。

林俊彥學員:我由細到大都好鍾意唱歌,自從同咗朋友夾 band後,想喺唱歌技巧方面有所提升。聲樂老師會示範畀我哋聽,再由我哋唱,對比到問題喺邊後,佢會用心講解。我發現以前用錯方法唱歌,𠵱家學到點用聲,希望日後會有更大進步。

課程:聲樂課程
機構: Parkland Music
費用及時數:初級 30分鐘$140; 45分鐘$200; 60分鐘$260
內容:教授學員歌唱技巧、開聲練習、咬字吐詞、丹田運用、呼吸方法及發聲技巧。亦會介紹古典西方經典歌曲及學習世界著名歌手的演繹技巧等。
查詢: http://www.parklandmusic.com.hk

撰文:霍芷晴
攝影:劉宇軒
部分圖片由被訪者提供

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載