蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

滾水蛋日模》推介蛇王二燒味 睇舊樓搭棚好感動

建立時間 (HKT): 0612 07:00

三十六歲居港日模Soko(和泉素行),入鄉隨俗,廣東話說得極之唔錯,早前他上載自己到津津茶餐廳食滾水蛋的短片到Facebook專頁「我は何しに香港へ?」,結果錄得超過26萬點擊,亦令津津爆紅。

原來,這是Soko拍攝香港特輯的其中一集,為了紀念他來港十周年。事實上,據旅發局數字,自去年9月起,訪港日本旅客穩步上升,今年2月按年增長12.2%至71,105人次。到底日本人是被其麼吸引來港呢?

Soko現居鰂魚涌,經朋友推介下得知,屋企附近的津津唔錯,更有特色本土飲料滾水蛋,因此決定拍片介紹給日本朋友。片段出街後,引起了很多人留意,Soko表示有日本朋友問他:「一樣咁簡單嘅嘢,喺屋企整都得,點解要喺出面食?」亦有人留言指「覺得不太衛生」。他笑言衛生與否全取決於心態,他決定要喝時,就不去想這個問題了,「奶水蛋味道真的不錯,滾水蛋一般,而阿華田蛋則很難喝。」

每次有日本朋友來港,Soko都會推介看夜景,「我覺得坐天星小輪睇夜景,會靚過山頂,因為山頂有時天氣唔好,大霧,乜都睇唔到。」他指日本人很喜歡看香港的舊樓,尤其有工程進行,外牆圍了棚架的,「佢哋見到實物,嗰啲竹,會覺得好感動。」因為日本人喜歡看成龍的電影,常見他在竹棚架上打鬥。

Soko又會帶朋友到地道港式餐廳吃飯,其中銅鑼灣蛇王二的燒臘飯是其至愛,而上海香港麵家則是吃宵夜的好選擇,「因為佢開廿四小時,而前同班朋友飲完酒,凌晨時份,會嚟食碗擔擔麵,好似我哋喺日本食拉麵咁,之後先返屋企瞓。」

不過,最令他頭痛的是朋友問他在港買其麼手信好,「我覺得香港手信有好大發展空間。」可能因為歷史不夠長,對比日本又缺乏地區特色,所以香港的手信,有很多都與中國的重疊。

撰文:關卓凌

攝影:高仲明

相關新聞:【飲食男女】上水都有 邪惡熱狗

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載