蘋果日報 | APPLE DAILY
› 選擇地區
三藩市
紐約
洛杉磯
其他美國地區

少年股神》開班全場爆滿 學生逾400人賺多過蝕

32,325
最後更新: 0824 23:52 / 建立時間 (HKT): 0824 06:00

係投機市場浮浮沈沈,「已退休」嘅Adia而家就專注開班授徒,年紀輕輕嘅佢已經有四百幾位學生,當中有唔少係大學生。

喺過往已畢業嘅學生中,有部份會返學校幫手,有啲仲做埋Adia嘅員工添!《壹》仔訪問當晚,咁啱就見Adia開介紹班,全場爆滿架!

舊年畢業嘅何生就話:「我係舊年嘅學生,我識Adia個朋友,係佢介紹我嚟。我聽佢個介紹講座,一聽就覺得好多資料性嘅嘢。我以前都有投資股票,不過輸多贏少,都試過輸成幾十萬。阿Sir嘅方法獨特,完全將我投資嘅弱點都改變咗。」

至於Vincent就話:「我大學嗰時玩股票,輸多架,都輸過幾萬。我讀完個課程之後了解多咗宏觀經濟同市場走勢,仲要識分析。」

而抱住嘗試心態嘅阿標就話:「我係朋友介紹讀嘅,大學我都有玩股票,嗰陣我當然想賺錢,不過因為唔識輸好多。其實讀嗰陣都係觀察下,睇下阿Sir係咪真係咁有料。」阿標仲以大學生愛投資嘅過來人心態話:「做咩決定前都要知道佢哋做緊咩,投資絕對唔係玩泥沙,要做足功課。」

個個學生都講到賺多過蝕,睇嚟「少年股神」唔係浪得虛名喎!

撰文:何紫

攝影:金文

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載