› 選擇地區
三藩市
紐約
洛杉磯
其他美國地區
香港 台灣 北美
 

吹雞阿嫂又上庭》稱做和事佬被打 吹雞女告江湖猛人

最後更新: 1010 19:43 / 建立時間 (HKT): 1010 00:02

佢係邊個?咁樣睇,大家應該唔知道,不如睇另一條片啦。「你報警啦,你報警啦。關你什麼事呀?你是否黑社會呀?我很害怕呀。」冇錯,佢就係一四年嘅「Benz阿嫂」啦。

當時「Benz阿嫂」架Benz同一架七人車相撞,惡爆嘅佢先後掌摑男事主夫婦,更「吹雞」召來10名手下助威,並向事主一家人逐個拍照「點相」,警告「唔好多事」,男事主無奈「不予追究」。事件經過被市民拍下放喺網上瘋傳,警隊高層震怒,立即交重案組及反黑組接手,之後將Benz女拘捕。其後佢被判普通襲擊罪,罰款5,000元。

「Benz阿嫂」原名蘇麗芙,花名YY。佢早前喺屯門法院出現,不過今次係佢告人普通襲擊同刑事恐嚇。吓,邊個咁夠膽呀?

YY喺庭上作供話,去年十一月尾一個晚上,收到朋友來電,說其哥哥仁仔,喺元朗裕景坊嘅大排檔,因為「租務」問題與人講數,要求YY趕去幫手。YY跟馬仔去到現場,除見到仁仔外,還見到「主持」呢場談判嘅元朗江湖猛人光頭立(本案被告,原名郭立夫),而YY跟光頭立本身係認識嘅,不時一起打麻雀。

之後YY又喺庭上話,佢初時係「好言相勸」,但之後跟光頭立等人互相爆粗嘈起上來,之後又聲稱被光頭立等人拳打腳踢致流血受傷,又稱有人話會「斬死佢」,而光頭立等人之後亦離開現場。YY立即打電話,不過呢次唔係吹雞,而係打999報警,YY事後就去咗博愛醫院急症室驗傷。

呢單案上月二十九日喺屯門法院連審兩日,本月六日宣判。判刑當日,YY並沒有到庭聽取判決。法官認為原告YY嘅證供有所隱瞞,並不可信。喺疑點利益歸於被告下,決定判被告光頭立無罪釋放。

撰文:程志康、何紫
攝影:金文、雄大

相關新聞:小商人極度無助》花盡積蓄醫癌症末期夫 苦主哭訴:真係冇晒錢

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載