› 選擇地區
三藩市
紐約
洛杉磯
其他美國地區
香港 台灣 北美
 

吹雞阿嫂又上庭》愛黐江湖人 哎吔老爺好猛料

最後更新: 1010 19:46 / 建立時間 (HKT): 1010 00:02

「你報警啦,你報警啦。關你什麼事呀?你是否黑社會呀?我很害怕呀。」鍾意吹雞拖馬嘅「Benz阿嫂」蘇麗芙(花名YY),原來人生都幾傳奇,因為佢好鍾意跟江湖人交往,絕對唔係善男信女。

有人同《壹》仔爆料話,YY年青時,跟一名男朋友同居,其後更誕下兩名女兒。據悉,其男朋友個老竇原來好猛料,係元朗14K、花朵車房強嘅超級大佬。據知,車房強出名夠疊馬,旗下門生過百,喺元朗同錦田冇乜人唔識,好多大哥都要俾面佢。可能因為哎吔老爺有份量,所以有人亦覺得自己有大靠山,所以一向喺元朗打橫行惡慣。即使之後跟男友分開,但有人覺得幫車房強生咗兩個孫,有起事上嚟都會幫忙,所以依然係咁惡。

其後,YY結識新男友,就係屯門新義安藍地話事人肥傑啦。有個猛人男友,唔怪得一四年撞車時,一個電話就可以召來十名大漢啦。不過,有消息話肥傑因為惹上官非,已經著草潛水。唔知係咪因為咁,所以YY同元朗江湖人光頭立嘈交時,不但冇吹雞,反而要報警呢?

不過,YY本身都唔好惹。有消息話,佢自己喺元朗經營「私人娛樂俱樂部」,手下仲有一班馬仔添,所以佢都算係元朗奇女子。

撰文:程志康、何紫
攝影:金文、雄大

相關新聞:小商人極度無助》花盡積蓄醫癌症末期夫 苦主哭訴:真係冇晒錢

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載