› 選擇地區
三藩市
紐約
洛杉磯
其他美國地區
香港 台灣 北美
 

千禧VJ》有線YMC帶挈廣告出碟 周子駒過檔大台被屈數臭舊東家

最後更新: 1113 20:00 / 建立時間 (HKT): 1113 00:03

依家網絡世界咁發達,撳幾個制,世界各地嘅音樂、偶像、潮流文化任你睇。不過,十幾廿年前,渠道唔多,所以有線YMC台喺九三年開播嘅時候,就成為咗唯一嘅音樂頻道,好受當年嘅年青人追捧。而中日混血嘅Cyrus周子駒, 喺個陣加入咗YMC做VJ。

「當年入行經過都幾正,因為個casting我好記得, 戴晒耳機做介紹,最後十秒,差唔多要講嘅都講晒,心入面諗就嚟搞掂,突然聽到導演講:『個廠有啲事,你講多兩分鐘。』嗰時好驚,但又唔知哪裡來的勇氣,生咗個有獎問答遊戲出嚟, 問咗個問題,跟住送隻CD,最絕妙係當年竟然記得有線地址, 亦都因為咁perfect地拖到個時間,我亦相信因為咁而拎到個機會成為主持。」

因為識少少日文,又有日本血統嘅關係,Cyrus第一個節目《偶像宅急便》就係介紹日文歌,之後仲做埋live嘅點唱節目,仲話當年嘅機會,造就今日嘅佢。「做YMC學到好多現場執生技巧,我而家主力全部做MC,今時今日嘅功力,有8成係嚟自當年嘅YMC。」

唔只咁,亦都因為喺YMC做主持嘅關係,令佢開始有人氣,電視廣告、甚至做歌手出碟等機會,接踵而來。可以話YMC成就咗Cyrus,但佢最終選擇離開,仲爆出「周子駒數臭有線七宗罪」一事。 「其實我辭咗職,同TVB簽約,後尾做咗訪問,但訪問出嚟係話『周子駒數臭有線七宗罪』,我就嘩,點解咁架,我完全無講過喎,變咗我係個反骨嘅人。」

或者只係槍打出頭鳥啫,其實憑Cyrus以下呢句︰「你問我最開心嘅經驗一定係YMC。」就足以證明一切。

相關新聞:千禧VJ》 Britney Spears都訪過 有線Brian驚爆搵林海峰訪問好頭痕

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載