› 選擇地區
三藩市
紐約
洛杉磯
其他美國地區
香港 台灣 北美
 

千禧VJ》 Britney Spears都訪過 有線Brian驚爆搵林海峰訪問好頭痕

建立時間 (HKT): 1114 06:30

「因為嗰陣時識得一個人叫雯雯,我拍廣告認識,跟她入電視台……搵了我拍一啲Fashion。他們又覺得我幾好,幾玩得,咁啱佢哋有第一屆嘅全能VJ大賽,咁就叫我你參加囉! 我話好呀! 咪去囉! 」 VJ Brian王志海憶起加入有線YMC時的經過。

依家已經變成司儀、餐廳老闆嘅VJ Brian,當年喺有線YMC台做節目主持。憑住一口流利英文,令佢可以訪問到唔少國際巨星,好似 Backstreet Boys、Britney Spears、咁,就連紅極一時嘅范曉萱亦係佢嘅訪問對象,但估唔到印象最深嘅竟然係林海峰。

佢話︰「我基本上心諗,已經去過咁多外國地方訪問過咁多嘅星,咁我做足功課照問,應該冇問題,誰不知你問佢A,佢唔會答我A,佢會講咗其他嘢。會帶你遊咗一個花園,導致你唔識得兜番返嚟,開始滴汗。你要同林海峰做一個成功訪問,你唔好同佢正經傾偈,你要跟佢講笑,跟佢嘅速度、步伐,佢講咩你繼續講,佢講到咁上下就會識回來。」

Brian認為林海峰個腦實在轉得快,呢次亦令Brian喺VJ生涯入面,學到另一個訪問技巧啦!

相關新聞:千禧VJ》記得金獅影視 ? YMC副台長黃志淙懷念HMV打碟:喺嗰度un好型

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載