› 選擇地區
三藩市
紐約
洛杉磯
其他美國地區
香港 台灣 北美
 

千禧VJ》生意拍檔反骨 啤梨:錢唔係最緊要 心靈傷害多啲!

建立時間 (HKT): 1115 00:01

「錢唔係最重要,心靈上面傷害多啲!」啤梨說。

演藝舞蹈系畢業,啤梨原本諗住問屋企人借錢開舞蹈學校, 遇啱YMC台長介紹他去新城做DJ, 一做,做了十幾年,到而家。

新城n次裁員,啤梨都有得留低,除了他肯幫公司做production開騷,最重要是他call到客,幫公司賺到錢。

搵到錢,當年開舞蹈學校的心願,幾年前終於實現,啤梨孖住一個合作多年兼老死的dancer,兩個人拍住上。

又要搵地方,又要裝修呀!  我由開始做呢樣嘢個一刻,學識excel、超連結、word、點樣打power point, 中學做嘅嘢,冇接觸過然後做番!我做主持、唱歌各樣嘢,無需要成日對住部電腦,要學識掂樣計數呀,我買個燈膽..吓都要咁貴㗎?LED燈膽原來貴咁多㗎!原來可以用得耐啲,計番出嚟嘅成本又慳番啲!個時乜都落手落腳做! 個過程係辛苦嘅,但係enjoy嘅,自己鍾意! 」啤梨說。

Studio 開頭蝕錢,但好快break even,  正當開始上軌道之際... 突然間partner話唔想做! 我個partner負責教,咁佢突然間話唔想做,我凈係覺得佢唔好放棄,應該!但anyway最後尾close咗間學校。 」啤梨說。

啤梨直認同生意拍檔不歡而散。「俾人食夾棍?唉 !唔可以咁講嘅,過咗去,作為男人,做生意嘅嘢唔好講番轉頭!自己嘅宗旨揸得好緊,唔會做一啲傷害人嘅嘢!亦都係心寧上面傷害多啲!錢唔係最重要,心靈上面傷害多啲!」啤梨說。

據了解前拍檔火速另起爐灶,啤梨都話略有所聞 :  佢仲做緊!係呀,另外開過一間,唔關嘅同我嗰個! 我覺得都要話俾人聽,有啲人以為我仲有run 呀,或者有啲business同我有關,但其實都冇囉!跳舞學校搞! 」啤梨說。

蝕咗六位數字事少,心靈受創是大,會唔會再接再厲,啤梨就話 :

會再開studio嗎?我要再冷靜一吓、真係會驚囉! 我驚又重覆發生呢件事!唔係話嗰個錢,重覆再發生心靈創傷!如果我做都唔會同人夾囉! 」啤梨說。

相關新聞:千禧VJ》 Britney Spears都訪過 有線Brian驚爆搵林海峰訪問好頭痕

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載