蘋果日報 | APPLE DAILY
› 選擇地區
三藩市
紐約
洛杉磯
其他美國地區

回港工作半個月》有商務位唔坐 慳媽鍾嘉欣帶B女搭經濟艙返港

152,446
建立時間 (HKT): 1129 00:03

鍾嘉欣上次返嚟香港出席活動,短短三日就已經大呻好掛住個女!事隔大半個月,嘉欣BB又返嚟做嘢喇, 但今次有備而嚟,咪就係帶埋B女Kelly一齊返港囉。

鍾嘉欣一如以往咁貫徹慳妹風格,就算帶住3個幾月大嘅Kelly同媽咪返港,仲要坐十幾個鐘飛機,佢都係堅持坐經濟艙。其實工作上嘅客原本包佢坐business架,但今次帶埋阿媽同B女,諗過度過,一張business嘅價錢足夠三個人坐經濟位,仲有錢淨可以袋落袋添,所以都係坐經濟艙抵啲。不過話晒都係星,為免被人認出兼打擾到Kelly,嘉欣成程機都係同媽咪阿女分開坐。

上星期六佢哋一行三人抵港,由於今次會留成半個月,所以佢哋都有五大件行李跟身,而嘉欣懷中孭住阿B,仲要手推三個喼,好有霸氣!直到出咗閘,交低啲行李俾司機之後,本身已經將Kelly包到冚嘅嘉欣,而家仲要攬到實,好好保護阿女避免曝光。

雖然見唔到Kelly,但係睇見佢細細隻嘅手手腳腳揈吓踢吓咁,就已經覺得佢好cute好趣緻喇!

相關新聞:鍾嘉欣抵港即扮靚開工 老闆何哲圖登門傾大project?

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載