› 選擇地區
三藩市
紐約
洛杉磯
其他美國地區
香港 台灣 北美
 

【關公失靈】林鄭YouTube頻道 《壹》仔係最大支持者

建立時間 (HKT): 0216 06:00

講到林鄭參選,明明已經係偷步開始選舉工程,但連番部署都輸在起步線,網絡上更加係輸得一敗塗地,好似唔講大家可能唔知,其實林鄭為咗選舉宣傳已經開咗YouTube,帳戶唔叫「林鄭辦公室」而叫番做林鄭月娥,但收視似乎好麻麻。

林鄭個YouTube去到呢個星期日,暫時只上載咗五條片,三條係月頭個WE CONNECT分享大會,一條就由前金管局總裁任志剛粉墨登場講自己幾欣賞林鄭,淨番一條就由范太范徐麗泰做主角。

《壹》仔就睇過其中一條分享大會嘅精華,全長一分五十二秒,拍攝同剪接手法熟口熟面,似足人哋結婚時啲朝拍晚播,但人哋即日起貨,林鄭條片就花咗足足四日,更慘係條宣傳片冇咩人睇,上載第一日幾經辛苦觀看次數先達雙位數;而五條片加埋,四日之後總觀看次數都只係得一百次多啲,扣番《壹》仔睇嗰十次八次,似乎林鄭個YouTube係名副其實嘅百人會。

至於其他參選人嘅競選YouTube,曾俊華十一條片累積咗超過四萬一千人次觀看,胡官嘅片就多一倍有成廿二條,但累積觀看人次就唔夠三萬,算係不過不失啦!

相關新聞:【又論盡呀?】申報競選資料 邊個報得最hea?

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載