蘋果日報 | APPLE DAILY
› 選擇地區
三藩市
紐約
洛杉磯
其他美國地區

【動畫●有富貴女友】周永恒夠期離婚拒上庭 唔俾生活費 阿Yu:我自己養女

92156
建立時間 (HKT): 0323 00:03

住全海景酒店,生蠔當宵夜,有富貴廣州o靚模女友,周永恒好環境喎!但他硬要死拖阿Yu,夠期離婚都不肯上庭,又不給生活費兩個女,唔啱噃!

分居之後,周永恒光速換畫,由小三Ruby、o靚模周芷儀、Cherie,到現任女友Britni。有傳Britni有家底,在大陸有樓揸手,成日人肉速遞來港陪男友。

而周永恒有戲拍,又做電影配樂,還在臉書呻自己工作崗位太多。那理應有收入,但就是不肯養兩個女。

他跟阿Yu分居期滿,本來星期一(20日)法庭宣判離婚,但他並沒現身。其實兩年多以來,據悉家事法庭多次發出信件,周永恒都沒上庭,亦沒回應,唔離婚,亦唔傾子女生活費和撫養權。

本刊見阿Yu愁爆單拖上庭,被問到周永恒是否從沒現身家事法庭,她無奈地說:「係!」對於是否因女兒生活費未達成共識,故暫未能正式離婚,她表示:「要所有嘢搞掂晒,先至會宣佈離婚,所以我要再上庭。一路溝通唔到,唔知道對方係咪同意,只可交俾法庭處理。」

阿Yu沒要求贍養費:「冇要求過,咁大個人可以養活自己。」周永恒兩年多以來有沒有負擔兩女生活費?她歎氣說:「都係我一個照顧小朋友,自己賺錢自己養佢哋。」

雖然獨力養女好吃力,但阿Yu說:「我相信在香港任何一個父母都會有壓力,我覺得可以睇住佢哋大,已經好感恩,好幸福!」

一個女人帶住兩個女,阿Yu無多餘錢請工人,最近更由美孚搬去更便宜的屋苑。為慳錢,連離婚她都沒請律師,經濟壓力沉重。

雖然周永恒沒養女,但阿Yu有讓兩個女見祖母。幾個月前,就有教友見到她兩個女在牧師陪同下,在葵芳一間教會同祖母相聚。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載