蘋果日報 | APPLE DAILY
› 選擇地區
三藩市
紐約
洛杉磯
其他美國地區

【Startup●咩都有得租】環保男創街坊共享平台 Nintendo Switch日租只需$38

6,875
建立時間 (HKT): 0327 06:00

相關連結:

【Startup●幾乎滿分】衝出定X出香港 專家:睇你有無揸緊香港街坊精神

http://bit.ly/2nYqPsP

【Startup●創業貼士】亂谷成交引發公關災難 有幾樣嘢一定唔租得?

http://bit.ly/2n8wl81

「德國人有七成人都選擇租樓而唔買樓,或係有好多後生都選擇租車而唔擁有一部車。」曾於外國念書的八十後Elliot主張日常所需的用品,均能以租代買、用分享取代佔有,說是共享經濟,他主張以「抵唔抵」來說服香港人。其Gaifong,連近期大熱遊戲機Nintendo Switch都有得租借,絕對跟得上潮流脈搏,而日租只需38蚊。「又比如係GoPro相機,買要幾千但一年只用幾次,租只需幾十至一百蚊一日,好多人都會選擇後者。」

梁懷宇(Elliot)做過環保研究,但再研究也不及動手推動來得實在,於是在一五年創立了共享平台Gaifong,取廣東話「街坊」之音,希望重捨以往近鄰間互相幫助的情懷,由分享柴米油鹽擴大至各種廚具相機。其從開創初期租賣送樣樣皆有到現時只集中租賃服務,方便人租用當試貨,啱用才買。

平台所有貨源由各區會員提供,價格由物主自定,GaiFong會於交易中分別向租客及物主收取5至10%作手續費,每宗可為平台帶來十至二十多元的收入。可租借的物品除有最常用的廚具及家電外,更有各類高智能的流行玩意。「上星期有人上存咗嗰人工智能器,比人放喺屋企廣泛收音再聲控,得英國有得買,始終有一定價格,啲人可租嚟試岩先自己買。」

接捧租借 為物主節省時間
「我哋嘅用戶同物品已經覆蓋晒十八區,當中黃埔同西營盤最活躍,直頭係有求必應的。」除了用家可主動上存物品,租客有東西所需而平台又缺乏相關供應時,可發出「願望」,看該區用家會否有相關物品作「回應」。Elliot指最令用家困擾的是面交費時,因此未來會推出新的交收模式。「希望可以好似接力賽咁交收,比如你係物主,可以要求現時租用者將物品傳比下一位租用嘅人,咁樣可以節省物主時間,整個流程能夠更順暢。」

撰文:黃綺敏
攝錄:梁正平

相關新聞:【Startup●幾乎滿分】衝出定X出香港 專家:睇你有無揸緊香港街坊精神

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載