蘋果日報 | APPLE DAILY
› 選擇地區
三藩市
紐約
洛杉磯
其他美國地區

【關公好忙】舒適鬚刨借藝人頭像賣廣告 林敏驄︰咁大間公司搏懵呀?!

18156
最後更新: 0509 19:04 / 建立時間 (HKT): 0509 14:47

《壹週刊》周二娛頭 :
【直擊speed dating開檔】林作牛津劍橋死黨晒冷 單身筍盤逐個捉
https://goo.gl/TP55jE

《壹週刊》周二頭條 :
【全港只得24個】放蛇睇極罕市區複式居屋 順緻苑經紀:早上睇樓當晚要入票搶!
https://goo.gl/ZB9dnQ

是咁的,七名涉案警員於今年情人節判「襲擊致造成身體傷害」罪成,個人護理用品品牌舒適Schick在其fb專頁Po文話︰「今日除咗情人節之外,仲有一樣嘢值得慶祝」引起「關公災難」。

事隔多月,舒適似乎又再引起另一波「關公災難」。事緣舒適在上個月中,將林敏驄於金像獎頒獎台上的樣子截圖,然後整了一張圖就二撇雞作分析。而舒適除了於內文講到二撇雞的淵源之外,還寫道「二撇雞一向都唔易留同唔易carry,所以你睇林敏聰出席頒獎典禮都要黐鬚就真係要講句」明顯是借林敏驄當日的造型做發揮。

睇上去好似冇咩特別,不過張圖下面加埋品牌名之後,就感覺似係賣緊廣告,而且仲要hashtag埋林敏驄個名。林敏驄發現之後,就好嬲將有關圖片截圖,並上載至其fb專頁話道︰「5係化? 咁大間公司,博懞(應為博懵)呀?! 你好似冇俾錢做代言賣廣告喎。」唔少網民都叫林敏驄反撃,其中一名網民留言話︰「你依家好似幫佢賣緊喎…」林敏驄即回應話︰「博懞(博懵)已經老土,仲出晒logo,大家都睇到,人哋以為我收咗$... 唔通由佢?」

睇番舒適過往的Fb專頁,亦都用了不少藝人甚至政治人借題發揮抽下水,當中包括︰陳豪、吳岱融、葉劉淑儀等等。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載