› 選擇地區
三藩市
紐約
洛杉磯
其他美國地區
香港 台灣 北美
 

【女主角証實】內容涉非禮沒同理心 TVB禁播公益金宣傳片一日下架

最後更新: 0510 23:39 / 建立時間 (HKT): 0510 21:05

【新增影片】

今個月20日將會播出一年一度的《萬眾同心公益金》,大台昨日播出宣傳片,片段先見到有女仔坐在路邊一旁低頭啜泣,角色由張振朗女友陳芷尤扮演。未幾有位男士經過,個名男士見到之後就停下腳步思索是否需要伸出援手,此角色則由16年香港先生麥凱程。

之後第一個畫面見到陳芷尤樂於接受麥凱程的援手,但陳芷尤就偷了麥凱程的銀包。鏡頭一轉,麥凱程又出現另一個想像畫面,麥凱程扶起陳芷尤,可惜陳芷尤大叫︰非禮,嚇到麥凱程跪地求饒,之後麥凱程最後都係伸出援手,最後陳芷尤更說:多謝你。旁白更謂幫人唔好諗咁多,之後提到節目播放時間。

片段內容其實頗反應到現實情況,加上之前亦有不少人因為出於好心竟反遭人指責,事情屢見不鮮。不過,呢段宣傳片只係播出一日左右,就有傳禁播消息,有消息指公益金總理不滿宣傳片內容,加上發生九龍灣姦劫案,內容又是涉及偷嘢以及非禮,怕此片段遭人指責有抽水之嫌。

《壹》仔就宣傳片禁播一事,向TVB外事部查詢,他們就回覆話唔多清楚,不回應。至於有份拍攝的陳芷尤回應指從工作人員口中得知片段禁播,被問到是否片段內容跟九龍灣姦劫案一事有關,陳芷尤表示不太清楚禁播原因,她話︰「導演都好期待出街,出咗街佢都有send俾我睇,後尾佢又話: 哎呀! 好可惜出得一日就拎咗落嚟,我知導演都好唔開心。 我問佢咩事,佢就話第二日先講,佢都冇同我講咩事。」同時又透露本身宣傳片還有一個網上版本,但亦都同時被禁止播出。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載