› 選擇地區
三藩市
紐約
洛杉磯
其他美國地區
香港 台灣 北美
 

【塌屋頂不檢控】工程師:放生城大 又放生官員

建立時間 (HKT): 0608 06:00

城大塌天台意外,屋宇署調查一年後,最終無人需被檢控。署方最終報告寫明,冧天台原因包括屋頂地台被加厚,但沒披露地台為何加厚及何時加厚等資料。

身兼工程師的公共專業聯盟政策召集人黎廣德認為:「如果實際上佢係因為綠化先搞咗一層出嚟嘅話,你可以視為同一個工程,你將佢分做兩個工程係取巧。如果個地台嗰度,佢都認為應該有人違規冇入則,佢應該一定要追究返呢個責任,冇乜理由冇人負責啦。」

對於被加厚了的地台,香港測量師學會前會長何鉅業亦稱:「當然啦,個後加(綠化)覆蓋面可能有一定影響,但係加厚咗個地台似乎係已經埋藏咗一個大炸彈,因為冇人意識到個地台原來厚咗,意識唔到原來你最尾輕輕推佢一吓,佢已經會死亡(倒塌)。」

何鉅業說,沒任何資料顯示地台工程何時進行,調查期間才發現個地台厚了,報告都指出,署方無審批上層地台圖則記錄。但屋宇署回覆稱,已經考慮了地台的資料,仍決定不會檢控任何人。

「佢(城大)亦都冇可能唔知啦係咪,你估佢傻㗎咩,俾人喺學校上面起,當然佢俾錢人哋起,唔會人哋冇啦啦夜晚偷入去起㗎嘛」,黎廣德直言,若政府查到城大沒就地台工程入則,一定要追究責仕,一般情況,起碼校董會要負責,但檢控誰就視乎情況,若委任了某人負責這個工程,就可以檢控這個人。

黎又表明:「我覺得今次佢唔檢控,唔單止係為咗城大,亦係為咗官員逃避責任。」他認為時任發展局長林鄭月娥需要承擔最終責任,因為當年政府力推綠化工程,但無提供清晰指引有關這類工程需否入則,導致今次事件。

今次不檢控,黎認為開了很壞的先例,令公眾覺得官員是否為保權位,不肯追查到底。至於署方稱會考慮是否對工程相關人士作紀律處分,黎認為可能純粹安撫公眾,「隨時無影無蹤」。

「佢都係因為犯事先紀律處分㗎嘛,做錯嘢先會處分嘢嘛,咁佢做錯咗乜嘢呢,做錯個樣嘢呢又唔需要(檢控),冇違規嘅,佢咪大條道理話我根本冇違規,何來紀律處分呢。」

撰文:時事組
攝影:時事組

相關新聞:【放生城大】塌樓意外 擺明僭建 無人揹鑊

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載