› 選擇地區
三藩市
紐約
洛杉磯
其他美國地區
香港 台灣 北美
 

【畫出香港】點令外資公司buy自己?港壁畫家:最緊要夠膽

建立時間 (HKT): 0610 06:00

在機緣巧合之下,Laura獲朋友介紹到LinkedIn的香港辦公室畫壁畫,當時只是她第二次正式繪畫大型壁畫,卻已獨力完成一幅由辦公室門口延伸至辦公室中間的創作。她每星期只抽工餘時間畫壁畫,由早畫到晚,前後花上約兩個月才完成。LinkedIn香港辦公室的壁畫以香港作主題,配以公司「聯繫人才」的訊息,於是她便畫了山頂纜車、皇后碼頭、維港兩岸等,再加上不同行業人物。她又希望壁畫可以給人一種脫離現實的感覺,於是畫了一隻熊貓在皇后碼頭下棋,展現其豐富幻想及創意。

畫壁畫的難處在於下筆後難於修改,Laura強調:「我覺得最重要係個膽,因為你畫嘢上去道牆嘅時候,尤其是我係唔會起稿嘅,我唔會用鉛筆起咗稿先,你一開始就係用permanent marker擺落去,第一吓係決定你未來幾日嗰個進程係點樣。」若她在畫畢一部份後才發現出錯,唯有先叫自己鎮定,再用創意補救,她更笑言:「即使有人見到,佢哋都未必睇得出嘅。好多人都唔知道你係做緊乜嘢嘅,你要點樣修補,都係up to你㗎啫,睇吓你點解釋。咁我就用枝筆去解釋。」她認為最難的是在牆上畫人像,因為較難掌握人像大小,試過畫完後才發現一隻腳粗,一隻腳幼,只好利用線條修改人像動作。

Laura為LinkedIn香港辦公室創作的壁畫以黑白作主調,讓LinkedIn的員工之後可以為壁畫填色,藉此認識其他同事,「其實做art唔係淨係美觀,亦都可以令佢好interactive(互動地)去build一個community(社區)。」她期望將來有機會為非牟利團體創作壁畫,將藝術的快樂免費傳遞開去。

撰文:羅霈潁
攝影:翁少陽

塗鴉跟壁畫有咩分別?壁畫師:我一幅八千蚊起跳
http://bit.ly/2sD83q0

相關新聞:塗鴉跟壁畫有咩分別?壁畫師:我一幅八千蚊起跳

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載