蘋果日報 | APPLE DAILY
› 選擇地區
三藩市
紐約
洛杉磯
其他美國地區

【羅生門】火鍋店被質疑係山寨版 老闆陳柏宇:我有拎特許經銷權

21,994
建立時間 (HKT): 0819 17:45

陳柏宇今年相當多搞作,除咗做老襯,早前又公布年底舉行首個紅館個唱,然後又話要做老闆,同朋友夾份引入內地好有名氣、分店二百幾間嘅麻辣火鍋品牌「小龍坎」,新張期間仲八折酬賓添。不過,近日網上就湧現好多留言,話陳柏宇間「小龍坎」係山寨喎,因為為人熟知嘅係「小龍坎老火鍋」,但Jason嗰間叫做「雲長小龍坎老火鍋」。

是咁的,源自重慶的小龍坎老火鍋,喺內地極具名氣,分店遍佈全國,短短幾年間就有超過二百間分店。早前陳柏宇就公開話同朋友一齊,喺銅鑼灣開咗間「雲長小龍坎」,但就有唔少網民留言話Jason嗰間好詭異,唔係話招牌唔似(個名多咗雲長二字),就係話小龍坎無喺香港開分店,有啲仲直言仿冒店好多,Jason嗰間亦好似係假,叫佢唔好俾人呃。

於是《壹》仔打電話俾Jason了解一下,佢就話:「點會係山寨版啫,我哋係有特許經營權架嘛。」
至於問到使唔使公開澄清一下,佢回應:「又唔使特別講嘅,我哋做過好幾次訪問啦已經。我哋係特許經營嚟架,因為佢哋唔知吖嘛,佢唔知咪話大陸都有啦,實係山寨版啦。可能佢唔明白我哋有拎特許經營權咁囉。」

不過當小龍坎老火鍋得到消息之後,亦喺官方微博留言:「雲長小龍坎」係乜鬼?我哋係實實在在嘅「小龍坎老火鍋」呀!所以而家問題嚟喇,有無人可以幫我哋話俾陳柏宇Jason知呀?陳先生,我哋好鍾意香港,期待與你合作。

相關新聞:【雜誌焦點】陳柏宇火鍋店被質疑山寨:我有拎特許經銷權 ◎ 股神餅店24小時派餅 救瀕分手情侶 ◎◎

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載