› 選擇地區
三藩市
紐約
洛杉磯
其他美國地區
香港 台灣 北美
 

【鄧永鏘逝世】1993年壹週刊獨家專訪 自爆曾被追債追到上北京

建立時間 (HKT): 0830 19:30

身為慈善大王鄧肇堅的孫兒,鄧永鏘一生顯赫,除了是時裝品牌「上海灘」的創辦人,他也經常參與籌款活動,更跟不少中外政商界人士友好,又曾獲英女皇頒授爵士勳章。他於1993年曾接受《壹週刊》獨家專訪,大談他八三年原來試過被人追債追到上北京,亦曾將住宅物業多次按揭的一段往事。以下是當年專訪的內容:

鄧永鏘是鄧肇堅長子伯勤所出,是長子嫡孫。但鄧永鏘爸爸與爺爺不和,鄧永鏘中學畢業後,便舉家移民英國,經營飲食業。

雖然父子分開,鄧肇堅照樣供應生活費給兒子,但其後又因錢銀問題有所爭拗,據說在律師建議下,鄧肇堅登報脫離父子關係。但鄧永鏘否認有此事,「邊個家庭無醜聞有好聞㗎!」

鄧永鏘和祖父相處則不錯,因鄧肇堅鍾意唸書叻的子孫。鄧永鏘曾因為考第一,獲祖父贈送鋼琴;在英國倫敦大學哲學系畢業後,祖父又以一層樓鼓勵孫兒唸法律。

欠債被追至北京

自英國回港後,鄧永鏘做過見習律師,由於對法律興趣不大,便轉往太古集團做management trainee,三個月後又辭職不幹,四出流浪,八三年卻突然去北京教書。當時,他原來欠了滙豐銀行二、三萬元透支未還,滙豐遂通知鄧肇堅,但不獲回應,於是追數追到北京英國領事館,因此有人說他去北京是避債。

對此,鄧永鏘說:「我一九七幾年就已經諗住返去嘞,唔通嗰陣我已經諗住避債咩!戇乜嘅!直情離晒大譜。我嗰陣只係欠銀行兩三萬,但我有沓樓值幾十萬,俾二妗母住緊,我攞去銀行做按揭,佢話無交吉,叫我趕走個老人家,我去過幾次叫佢去老人院,佢唔制,佢癲㗎,唔通要我趕佢走呀?我做唔出。又唔係破產,只係資金周轉有問題,都唔係周轉有問題,我有沓樓,唔知佢會咁犀利,追到北京。

「諗番轉頭,依家我都覺得好proud。我見佢兩次,佢用刀斬我,我都無送佢去青山。

「邊個無欠過人哋債㗎?尤其是香港人。

「呢件事有一個人知道,就話俾通街聽……佢曾經叫我做一件事,我無幫佢,因為我無能力,以為我唔幫佢,嗰個人現在非常出名,好有錢。」

返大陸為與藝員結婚

鄧永鏘去北京其中一個原因原來是要與電視藝員張淑儀結婚,想低調些,免得鋪張令祖父不高興;另外就是他所說,老早想去居住一段時間,觀察中國。

但在北京的生活並不好過,每月只有四百元人民幣薪金,鄧永鏘出入要靠踏單車,或是乘坐公共汽車。鄧永鏘說:「北京住的日子,好似去寄宿咁,寄緊宿嗰陣好似好陰功咁,好多嘢唔鍾意,諗番轉頭覺得好有意思,好開心,但嗰陣未必開心。」一年後終於回港。而他對這段日子甚自豪,「依家做大陸生意嘅,有幾多個人喺中國住?執晒包袱住一年吖!人哋成日話我親英,我好反感。
「捐幾萬元俾保守黨算乜嘢呀!全香港都有捐。舊時港督請佢哋食飯,呢呢淋淋急急腳去食,依家就費事啫,周南請就去。唔係一定親中就唔可以親英,親英就唔可以親中㗎!男人可以愛兩個人㗎嘛!」
「羅德丞點會親中」

說起親中人士,他愈說愈勞氣,「佢哋親中點親法?佢投資都係用中國過橋,用間上市公司買呢幅地、嗰幅地,都係搵錢啫。由MBE、CBE、荷蘭水蓋到阿Sir,如果唔係捐少少錢,邊度有荷蘭水蓋呀?你問吓羅德丞點解攞CBE,佢話Queen俾佢,呢個荒謬嘅,點會係Queen俾佢?Queen都唔識你,都係港督recommend,依家佢又親中嘞,其實羅德丞又點會親中啫?」

一九八六年鄧肇基去世,遺產分了數十份,鄧永鏘一房也分到不少遺產,於是他的環境又好了起來。八七年,他一口氣連買兩項物業。

他以二百九十五萬購入旭龢道一項物業,跟銀行做按揭,按二百六十萬,並在西貢以二百六十五萬購入一間別墅,後者當時則沒有按揭。

這所西貢別墅,是他的私邸,建有大花園、泳池、遊樂場,他經常在此宴客。

物業一按再按

隨着他在社交圈日趨活躍,當上多間上市公司的董事,以及搞中國會和雪茄貿易期間,他將這兩項物業一按再按。旭龢道的物業,由九○年開始,連續三年向銀行加按,分別是五十萬、一百萬,去年更連二十萬都要按;而西貢的物業,在九○年亦按給銀行,借足十成。
鄧永鏘說:「旭龢道物業好似按咗一次,個個人都係咁做,得百多萬未付清啫!」再追問為何去年二十萬都加按,他則略為支吾:「可能老婆要錢啩。」鄧永鏘表示他會把旭龢道物業給予將會離婚的太太。
賣雪茄生意套現千萬

去年,他又將雪茄生意的五成股權注入茂基公司,作價三百萬美金。由茂基發行二千七百多萬股抵數。但他沒有持有這批股份,反而馬上賣掉套現,估計套現一千八百萬元。他身為茂基及正德行的主席,卻沒有這些公司的股份,亦沒有行使認股權,換到股份卻又賣清光。

對此,鄧永鏘解釋,是為了幫老友,「Arthur Lai係我老友,梗係要照顧,要支持人哋,尤其是人哋世界唔好嘅時候。幫過我嘅人,我會永遠都記得,Arthur Lai幫過我。」而他立即賣光股份,因為他目標是套現做生意,並非要控制茂基。此外,雪茄生意要本錢,開首也要千多二千萬元,「我咁大地方,請廿幾人噃!」他做生意一定有拍檔,「我唔係大把錢,唔夠錢咪要搵人入嚟帶挈吓,投資額要充分至得。」

自比印度曱甴

他一再強調自己無錢,非常平凡,「我身家冚扮冷喺晒銀行,係負數,實際上係『虧』嘅……我無錢,我係曱甴,印度孟買曱甴,成街都係。」物業亦不多,「我啲物業喺晒個腦度,最大asset係個腦。」

鄧永鏘最大的本錢,其實是他的關係網絡。他用了兩三年時間去建立自己,培養在社會上的人際關係,才開始正式投入工作。

他經常有意無意間,透露自己的交際圈廣闊。在茂基特別股東大會後,記者問到成都有線電視發展情況,他立時表示約了吳光正吃晚飯;其他董事提及Samuel曾(林建明丈夫)負責這個計劃,他又馬上表示和對方很熟絡。訪問時又提及和林百欣一家係好朋友,「今日見個老竇,昨日見個仔。」

英王儲都請到

他也的確甚有辦法,他所搞的社區英語學習中心,可以請到英國王儲查爾斯王子主持啟用典禮。在中國會搞的畫展,又請到彭定康出席。他在中國會設午宴,座上客又有彭定康、怡和大班李舒、富有的英國公爵Abercorn。能夠做得到這些拉攏工夫,必須熟悉每個人的需要。鄧永鏘在多間上市公司任董事,包括麗新發展、第一太平,主要職務亦是當介紹人。第一太平要搵董事,朋友推介他給總裁彭澤倫。「我認識某一個人,佢哋唔認識嘅,我亦都介紹過一兩家人俾佢哋認識,亦都做過嘢;有人想識佢哋,我亦都介紹過,做過嘢。」

世上最忙的人

而他的顧問工作是將不同的公司、財團拉攏,合作投資,倘若成事,便收取金錢或股份作報酬。所以,他必須四出應酬。他自言是世界上最忙的人,差不多每天都有朋友找他,有時應酬得晚了,便在中國會過夜。

目前他正部署另一宗生意,投資額幾千萬元,「我自己會出錢,可能唔係佔最大嗰份,但會in control。」他不願說這是什麼生意,笑言怕給人家偷橋,只表示如果成事,是他一生中至今最大生意。

後記:

鄧永鏘怕咗《壹週刊》

對於《壹週刊》訪問自己,鄧永鏘甚為疑惑。

「唔知點解要訪問我,香港咁多大粒佬,大把人更值得你哋訪問,大把人有錢過我好多好多。

「你哋啲大哥,唔同你哋講,寫啲嘢就仲衰,見面至少有機會澄清……我未夠出名,無public interest,根本係無名小卒一個,喺香港係賣吓報紙高調啲。我成日含住雪茄,都係想貪便宜唔使做廣告咋。

「封面唔好搞嘞,可唔可以話俾我聽,你哋邊一個封面對個人係好啲嘅?我哋個個都驚咗你。」

【最後的貴族】上海灘創辦人鄧永鏘英國肝癌逝 曾力斥梁振英是中國政府扯線木偶
http://bit.ly/2vE2VTN


【鄧永鏘逝世回顧】【多圖】一生顯赫 中外政商界無人不識
http://bit.ly/2wnR5y4

相關新聞:【鄧永鏘逝世】呼朋喚友 發帖邀好友出席下月初告別派對

更多 壹週刊 文章

【鄧永鏘逝世】呼朋喚友 發帖邀好友出席下月初告別派對 【不斷更新】英國《金融時報》:鄧永鏘周二離世 妻子陪伴在側 【鄧永鏘逝世】病房陸續見親友 鄧永鏘超模好友陪渡最後時光 【鄧永鏘逝世】上海灘品牌早年逾億元沽售 今年再度易主 【鄧永鏘逝世】與已故戴妃份屬好友 鄧永鏘曾提醒新一代皇室:不可偷情 【鄧永鏘逝世】創神秘會所「中國會」 鄧小平貓論誕生地被拆 【鄧永鏘逝世】一代雪茄大王 超瓊懷念:運用自己國際網為香港做咗很多事 【鄧永鏘逝世】傳患肝癌曾返大陸換肝 最近病情再復發 【鄧永鏘逝世】愛女鄧愛嘉帶囝囝為爹哋慶祝生日 【鄧永鏘逝世】與英王室成員友好 祖父鄧肇堅被譽為慈善大王 【鄧永鏘逝世】David創辦香港癌症基金會 薛芷倫慨嘆:如今因癌症離開… 【鄧永鏘逝世】中國會搞出版酒會 鄧永鏘出書 彭定康寫序言 【鄧永鏘逝世】告別派對請柬曝光!原定7日後倫敦舉辦惜未如願 【鄧永鏘逝世】對好友病逝大感突然 榮文蔚傷心灑淚 【鄧永鏘逝世】李柱銘感惋惜 讚傳奇人物有英式幽默感 【鄧永鏘逝世】與鄧爵士病榻最後留影 劉嘉玲原擬度期赴最後派對 【鄧永鏘逝世】名下西貢斬竹灣別墅 曾放售索價3.5億 【鄧永鏘逝世】曾斥梁振英差過李鵬 管治墮落令香港陷可恥狀態 【鄧永鏘逝世】曾考英文「捧蛋」 隨父定居英國 不受鄧肇堅束縛 【圖輯●鄧永鏘逝世】相識滿天下 名模影星政商界都有老友 【鄧永鏘逝世】遺憾未獲邀出席威廉王子婚禮 鄧永鏘戴安娜死忌僅差兩日 【鄧永鏘逝世】中國會舉行大型酒會谷新書 肥彭煲呔前後腳 【鄧永鏘逝世】熱心公益不求回報 曾批祖父行善只為「荷蘭水蓋」 【鄧永鏘逝世】批捐錢全為勳章 鄧永鏘指爺爺鄧肇堅係自大狂 【鄧永鏘逝世】19歲首嚐人生第一支 日食5支雪茄 堅持用火柴燃點 【鄧永鏘逝世】才子陶傑發悼文致哀 盛讚幽默諧趣英文一流 【鄧永鏘逝世】首位北大任教香港人 當時月薪幾多錢? 【鄧永鏘逝世】濃濃中國情意結 鄧永鏘:只愛國 非愛任何政黨 【鄧永鏘病逝】未及辦告別派對提早離世 肝癌權威:醫生評估合理 【鄧永鏘逝世】痛心面對一代英雄殞落 曾蔭權:他伴我走過人生高低起跌 【最後的貴族】上海灘創辦人鄧永鏘英國肝癌病逝 曾斥梁振英是中國政府扯線木偶 【鄧永鏘逝世回顧】【多圖】一生顯赫 中外政商界無人不識 【鄧爵士寸得起】斥香港官員冇文化 鄧永鏘:佢哋嘅知識係曱甴肚下面隻腳嗰條毛! 【悼鄧永鏘】陶傑:香港身為所謂的國際城市,降下了一面旗 【鄧永鏘逝世】「英國並無虧欠香港」 鄧爵士:英國人留下3萬億美元儲備與制度 【鄧永鏘逝世】「上海灘」創辦人患肝癌 終年63歲
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載