蘋果日報 | APPLE DAILY
› 選擇地區
三藩市
紐約
洛杉磯
其他美國地區

【唐詩詠絕望】深夜過房 一齊做運動 姣霸蔡思貝獨食洪永城

321917
建立時間 (HKT): 0913 00:03

今年五月,唐詩詠宣布同洪永城分手,三年情玩完,一直有指TVB「姣霸」蔡思貝是導致他們分手的導火線,當時被指介入做「小三」的蔡思貝一句:「唔好拖我落水!」敷衍否認,轉個頭她就孖住洪永城去佛山為新劇《大帥哥》拍外景時,有更多機會方便他們埋身相處。

有女主動送上門,洪永城當然食得唔好嘥,但吸取上次教訓,今次兩人做足掩飾功夫,人前刻意玩避忌,但紙包唔住火,開工期 間二人經常藉囗扮攰雙雙離隊,又有劇組人員曾半夜三更目擊蔡思貝於男方酒店房步出,蔡思貝明正言順獨食洪永城!

洪永城同蔡思貝長駐佛山一個多月為劇集《大帥哥》開工,貴為大台力捧花旦,蔡思貝全程有專用助手,一對一貼身服侍,在拍攝現場,由於人多耳目多,兩人刻意保持距離,每當日光日白兼有多人場口,即使對方喺身邊行過,他們都扮到視而不見互當透明,反而各自對住其他演員就有講有笑。

開工互當透明,收工即刻鬼祟見面,據知熱愛運動嘅蔡思貝同洪永城,時不時會搵埋同劇其他演員做擋箭牌,收工齊齊去跑步。

「其實次次夜晚大班人出去跑步,好多時都有Sisley份,但唔知點解Tony唯獨要揀冇佢嗰張相先至post上網,佢哋咁避忌,其實大家都知咩事。」Tony身邊人透露。

另外,在劇中飾演「大帥哥」的張衞健,收工後經常吹鷄,拉大隊請食消夜,但蔡思貝同洪永城次次都用同一招,齊齊扮攰甩底,更試過被人撞破,兩人匿埋酒店房私會。

「Dicky(張衞健)好好人,喺片場成日請大家食嘢,收工之後又拉隊請食消夜,印象中Sisley同Tony好似出現過一、兩次咋,次次都話攰要早啲返去瞓覺,仲試過有一次俾人撞到Sisley半夜喺Tony間房行出嚟!」一名劇組工作人員透露。

相關文章:
【姣霸搏洗底】做小三比高層照肺 蔡思貝借麥秋成做煙幕賴死唔搬
http://bit.ly/2jlbHEo

【獨家】趁未埋位主動挑逗 蔡思貝豬咀想啜洪永城
http://bit.ly/2eSRZLa

【身有屎?】蔡思貝佛山現江湖功架 洪永城︰驚你哋先唔擺合照
http://bit.ly/2wUoEL9

【冇跟蔡思貝拉筋】洪永城拍《大帥哥》整親 急搵跌打師傅求救
http://bit.ly/2w6MFyQ

唐詩詠早知有景轟 洪永城一提前度口塞塞
http://bit.ly/2w5i4BS

寓工作於姣仔 蔡思貝亂食紀錄厚過電話簿
http://bit.ly/2xuzJD7

蔡思貝前度唔愁無人陪 麥秋成一拖三享受陽光假日
http://bit.ly/2f3bPHr

更多 壹週Plus 文章

蘋果日報fb,每日分享精選新聞及網絡新鮮事。
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載