蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

【到底有幾自卑】內地網民不齒日本隊清潔更衣室:咪踢波喇,留低打掃啦

建立時間 (HKT): 0703 20:00

賽前被睇低一線嘅日本隊,昨晚以行動證明自己實力,一度領先比利時2比0,就算最後被反勝3比2,但日本隊嘅表現足以令人刮目相看,甚至肅然起敬,連以往多數反日本嘅內媒,今次都表現中立,有啲仲大讚「日本足球非國足可比」。

賽後日本隊雖懷傷心情緒,但仍邊哭邊將更衣室整理乾淨,並留下寫上俄文「謝謝」嘅字條才離去,此舉更令世界對日本隊以致於日本表示由衷讚譽!



可惜,仍有啲國內網民對日本隊睇唔過眼,「不齒」佢哋嘅所作所為:「其實是刻意的!因為日本知道他們這麼幹了,肯定能上頭條。」「別把日本人想的那麼高尚,日本人最愛做表面工作,偽裝自己。」「這是個千載難逢的作秀機會。」「一個字形容日本人,假!」「別踢球了,留在俄羅斯繼續打掃吧,這更適合日本隊。」



唉,「欲加之罪,何患無辭」?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載