蘋果日報 | APPLE DAILY
› 選擇地區
三藩市
紐約
洛杉磯
其他美國地區

【延禧之恨從何來】高貴妃多次害皇后為乜?背後原因可能合理又正義

206,315
建立時間 (HKT): 0907 18:00

TVB終於播到《延禧》高貴妃賣咸鴨蛋,相信到而家仍有不少觀眾覺得佢面目可憎,死咗簡直大快人心,鬼叫佢欺負皇后富察氏咩!不過,其實高貴妃針對皇后,背後可能有個合理甚至正義嘅原因,要是瓔珞一早知道高貴妃用意或者會同佢聯手,以致成套劇嘅走向面目全非都唔定。



《延禧》一早70集大結局咗,但瓔珞家姐瓔寧到底點死一直都係個謎。本來對於呢個迷都唔係太在意,畢竟瓔寧一句對白都無,兇手亦已經被雷劈死,但製作人于正及飾演魏瓔寧嘅鄧莎,先後喺微博貼出多張魏瓔寧嘅劇照,當中最令人在意嘅係高貴妃一臉認真攬住痛哭瓔寧嘅圖,亦因而令人嘗試猜測兩人嘅關係,其中又或者可以解釋到點解高貴妃一直唔妥富察皇后。

是咁的,大家都知高貴妃最愛唱戲,所以太后要拆佢戲台毀佢戲服時,不知幾心疼。記得仲有一幕,提到高貴妃最心愛嘅戲服都係由魏瓔寧紡織,因此推斷高貴妃愛才,同魏瓔寧好到並非一般主僕關係咁簡單,於是當高貴妃得知魏瓔寧被玷污後,佢神情流露出嚟嘅唔係傷心痛哭,而係無奈中帶有沉著冷靜嘅復仇企圖。大家唔好忘記,高貴妃之母就係被姦污後,至死不能入祖墳,因此佢愛才之餘,同時亦憐惜被姦嘅瓔寧,對姦淫者更加係恨之入骨!邊個係姦淫者?最初矛頭一直都係指向富察傅恆,畢竟有小太監見到富察傅恆裝扮嘅人姦淫瓔寧,又有富察傅恆嘅隨身物品留喺事發現場,而皇后作為家姐自然脫不了干係,所以高貴妃針對皇后一伙人,原因之一係為魏瓔寧討回公道。

如果上述推測正確,就會發現其實高貴妃都唔係咁壞啫,佢不過同瓔珞一樣愛恨分明,要為瓔寧嘅遭遇報仇雪恨,只係高貴妃本身心計未夠縝密,思慮唔夠人哋周全,某程度睇佢都係個單純嘅直肚腸之人,所以又點夠其他人鬥呢。



講完一大輪,最後梗係要戴返頭盔:上述全是FF,一切答案以日後《延禧2》或番外篇作準。



立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載