蘋果日報 | APPLE DAILY
› 選擇地區
三藩市
紐約
洛杉磯
其他美國地區

【潮特20年】潮牌天堂賣假貨由盛轉衰 商戶:生意慘過沙士

13,023
建立時間 (HKT): 0907 10:00

潮牌天堂賣假貨由盛轉衰,商戶:生意慘過沙士!足本版精彩內容,請點擊以下網址: https://bit.ly/2NmS64z

旺角潮牌集中地潮流特區上週赫然傳出結業的消息,大批網民感嘆旺角小店文化逐漸被大型連鎖店取代。記者到場視察,發現結業的傳聞並非完全屬實,但將會有大改造,三樓的潮流小店現被清空七成,有店主表示三個月前被業主告知要盡快搬遷,據悉十月三樓將會進駐連鎖店,目的是刺激人流,原先的店舖只好搬到二樓或其他商場。

潮流特區因波鞋假貨被貶稱為「假貨天堂」,海關曾掃場,14歲的Toby直言因為這個惡名不怎樣去潮特,又指始終不是太出名,對這個地方沒有感情。剛升讀大一的陳小姐也表示對潮牌不感興趣,「通常都會行大型商場,例如朗豪坊。」

大業主屬於新世界發展旗下,現將收回三樓舖位,經營零食店的黃先生在沙士前一年開店,於潮流特區歷經十多年風風雨雨,見證這個地方的興衰,「以前呢度旺起上嚟,呢個場係水洩不通,我係要用兩個磅秤啲糖,啲膠袋係不停咁加;依家每日返嚟坐,完全係每日睇吓報紙、買罐咖啡,諸如此類!」他大嘆今時不同往日,人流低迷,令他力不從心,「人流可以話完全冇,真係冇,係好差。」在租金不斷攀升的大環境下,黃先生指潮特的租金反而比開店初期少一半,「但係都冇用喇,依家都係白做,收入啱啱夠畀租!」

但說到底,這間店舖讓黃先生養活一家人,而且與熟客建立可貴的情誼,「好多客人小學已經幫襯,依家結咗婚生咗仔都會繼續嚟,帶仔囡嚟夾糖。」可惜最終不敵時代的變化,黃先生亦萌生盡快結業的念頭。

另一邊廂,年輕的服裝店老闆謝小姐開業五、六年,對業主引入大集團店舖的決定甚為擔憂,「好嗰方面諗,有大商舖喺上面(三樓),可能會吸引人流畀我都唔好奇,但我驚佢繼續將一樓、二樓慢慢咁變,將來成個旺角就唔會有呢啲小店。」

撰文:鄧詠瑤

攝影:林金展

相關連結:

潮流特區傳連鎖店進駐 MK仔不捨 :我的中學回憶呀……(足本版)

https://bit.ly/2M2lBDW

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載