蘋果日報 | APPLE DAILY
› 選擇地區
三藩市
紐約
洛杉磯
其他美國地區

【新田死城靜過鬼】購物城洗濕咗個頭 老闆嘆生意慘淡:做到直至蝕哂為止

50,713
建立時間 (HKT): 0908 11:00

【好嬲定好笑】新田購物城續批成功 酒舖零生意嘆:洗濕咗個頭走唔到!(足本版)

http://bit.ly/2NYC4e2

新田購物城臨時用地期限月中屆滿,城規會昨批准三年續期申請。有商戶慨嘆生意慘淡,但直言已投資一定程度,「洗濕咗個頭」,惟有繼續經營。

新田購物城原意是為了疏導北區水貨客,但自今年二月試業以來,一直人流稀疏,淪為「死城」。購物城佔地四十二萬平方呎,設有二百多個舖位,惟場內營業的店舖寥寥可數,連鎖品牌G2000、卓悅等也沒有開門,有藥房連招牌也尚未拆下紅紙,場內出入的絕大部分都是工作人員,店舖全部「拍烏蠅」。

小食店老闆蘭姨慨嘆生意慘淡:「試過一天只係賣一罐可樂,八蚊。」她說當初對購物城頗有信心:「我哋舊年喺電視睇到黃定光話,呢度已經可以招商,咁那入嚟睇吓。佢話每日有一萬人,亦有車接載啲人嚟,咁就覺得人流幾好,有得做,咁就入場。」豈料結果未如預期:「嗰啲車幾乎都係空車去空車返,唔好話一萬人,五十人都冇呀!」蘭姨無奈道:「二月試業嗰陣記者問我有冇覺得俾人呃,嗰時我話唔係,啱啱開始要試吓先知。而家七個月喇,又有記者咁問,我話而家覺得係(俾人呃)喇。」

酒窖老闆葉小姐本來做紅酒批發,希望藉新田購物城吸引內地客,開拓零售客源,但指實情是每天都幾乎沒有生意,只有支出,「人工啦,電費、冷氣費,一個月都要幾千蚊,一定蝕。暫時嚟講,係有啲心灰,期望續約後會有啲新動作,可以俾我哋將喺呢度冇咗嘅賺返嚟。」

大部分商戶均表示會留下來繼續經營,但言語間總帶點無奈。葉小姐說:「洗濕咗個頭,希望可以繼續經營落去啦……因為你話走都係難,投放咗咁多錢,貨又咁多,你突然叫我搵地方都難。」裴先生投資了數十萬裝修,也硬住頭皮要做下去,「等佢搞得起囉,冇辦法,裝修都洗咗咁多,做到直至蝕哂成個本錢為止。」蘭姨則希望購物城可以為租戶提供條件,例如免租最少一年,同時亦要保證有足夠人流。

負責牽頭購物城的民建聯立法會議員黃定光昨日在電台節目指,半年試業時期太短,令商戶卻步,有信心獲續期後可吸引商戶進駐,到時情況可望改善。

撰文:鄭靖而

攝影:蔡福生

立即按此連結下載《壹週刊》APP: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載