蘋果日報 | APPLE DAILY
› 選擇地區
三藩市
紐約
洛杉磯
其他美國地區

【延禧原著劇情解密】還原裕太妃被雷劈細節 瓔珞到底做咗咩手腳?

161,374
最後更新: 0912 20:07 / 建立時間 (HKT): 0912 20:00

據知《延禧攻略》本來有94集,但最後只播70集就大結局,足足cut咗24集之多,難怪劇情好多地方都睇到大家一頭霧水,明啲唔明啲,要估估下。其中包括:到底魏瓔珞做咗咩手腳,令裕太妃(和親王弘晝生母,白珊飾)被雷當場劈死呢?

大家都知裕太妃「遭天遣」被雷劈,必定係魏瓔珞做嘅手腳,亦相信有部分人估到佢喺壽康宮天棚窗紗裝咗導電物品,但問題係佢到底點籌劃呢次復仇呢?細節又係點呢?

首先,劇情有交代嘅係:裕太妃用魏氏全族人性命,威脅瓔珞不得再追究家姐阿滿之死。於是氣憤難平嘅瓔珞回到長春宮,為咗發洩,用三個時辰玩女兒節乞巧,更被明玉嘲笑:「還說是繡坊最出色的繡女呢,比我也好不到哪裡去。」就因為明玉呢一句,一言驚醒魏瓔珞,令佢諗到要裕太妃一命填一命嘅計仔,亦係劇情無交代到嘅細節。

據小說提及,明玉嘅嘲笑猶如醍醐灌頂,所以魏瓔珞連夜趕到繡坊秘見張嬤嬤,問:「嬤嬤,聽聞壽康宮為壽宴準備了許久,其中天棚窗紗這部分……應當是由繡坊提供的吧?」

劇迷都知張嬤嬤好錫魏瓔珞兩姊妹,於是問都唔問,就將準備送去壽康宮嘅窗紗交咗俾瓔珞,瓔珞亦唔隱瞞,直接拎出極細軟嘅鐵絲縫入窗紗中。

小說咁樣寫:「若張嬤嬤開口阻止,她就停下,但由始至終,張嬤嬤都未說一句話——她默認了魏瓔珞的復仇,甚至可以說是成了她的幫凶。」最後,魏瓔珞無講一句說話,將縫好嘅窗紗交到張嬤嬤手中,然後跪低磕咗三個響頭。

接落嚟發生嘅事大家喺電視都睇到:裕太妃貼身侍女百靈質疑最輕最薄嘅蟬翼紗:「我剛剛摸了摸,分明硬得很。」不久就輪到魏瓔珞大鬧壽康宮,逼裕太妃發毒誓,最後「遭天遣」。

喺裕太妃被雷劈中後,劇與小說亦有少許唔同。劇集中,貼身侍女百靈立即上前關心裕太妃嘅情況,但小說則寫道:「貼身宮女百靈只上前一步,頭頂雷聲一響,立刻將邁出去的那隻腳又收了回來,雙手合十不停念道:『請雷神息怒!是裕太妃,裕太妃幹了壞事,與我無關啊!菩薩饒命,佛祖饒命!雷神息怒啊!』」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載