蘋果日報 | APPLE DAILY
› 選擇地區
三藩市
紐約
洛杉磯
其他美國地區

【開騷撞正老婆預產期】王祖藍好內疚 李亞男叫老公…..

163,594
建立時間 (HKT): 1109 20:00

就快做老豆嘅王祖藍,呢排好唱口呀!除咗人逢喜事,仲有十二月尾佢演出嘅著名原創聖經音樂劇「唯獨你是王」公演。不過佢個女預產期都係十二月底喎,咪撞晒期!唔使驚,諗住順產嘅李亞男,為咗撐老公,即轉PLAN。



呢個音樂劇因為口碑好,公演咗幾次,但今次唔係RERUN,而係內容全新‧故事繼續係聖經人物大衛,但會以佢軟弱階段為骨幹,好發人心省。女主角係近排唱Live時一顯執生能力同唱功嘅鍾舒漫,音樂總監繼續由音樂大師金培達操刀。雖然呢個劇好有意義價值,但祖藍早排喺分享會,就爆咗為咗個劇,令佢對老婆同個女都好內疚。因為阿亞一直想順產,但預產期分分鐘同公演緊嘅老公撞到正,萬一生得,祖藍仲喺台上演出緊,點飛去陪老婆入產房,見証個女出世一刻呢!



因為咁,阿男為佢改為剖腹生女,揀好日子就唔會錯過。祖藍覺得連生產,都要老婆遷就而感內疚。不過李亞男係好老婆,支持老公為神事奉演出呢個劇,冇乍型之餘,仲開心咁話個女喺佢肚裡,已經同爸爸一齊做事奉!



咁咪好囉!上晏陪完老婆入產房,夜晚埋位開騷。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載