蘋果日報 | APPLE DAILY
› 選擇地區
三藩市
紐約
洛杉磯
其他美國地區

【向佐新女獲媽媽認可】向太介紹認識杜琪峰 推薦未來新抱做女主角

27,403
建立時間 (HKT): 1202 20:00

向佐情史豐富,2015年佢同大陸女友王秋紫熱戀,仲送過過百幾萬鑽石錶俾女友,但由於女友本身有個兩歲女,再加上成日使向佐錢,搞到媽媽向太勁不滿,逼佢同向佐斬纜。之後向佐又戀上有米𡃁模袁聖殷CoCo,但最後都係分手。自此向太就對向佐Mon到實,驚佢又重蹈覆轍。

但《壹》仔竟然見到向佐有新女友!呢日佢陪女友Shopping。入咗名店無耐,女友就睇岩對鞋坐低試,試鞋唔只有Sales們服待,就連向佐都痞低俾意見女友,好體貼啊!經過《壹》仔調查,呢個女仔叫王可如,係大陸女演員,2016年出道,作品唔算多,但就可以孖住向佐拍名導杜琪峰嘅新戲《追夢男女》。有傳向太更成功推薦王可如做女主角,即係佢同向佐以往嘅女友都唔同,一開波就過咗向太呢關啦。《壹》仔仲留意到佢地周不時都會喺微博傳情,王可如Like咗向佐同向太共同出演嘅節目《最美的時光》嘅post,向佐又like咗王可如喺白色情人節出嘅Post。向太認可嘅女仔,向佐就當然放心同佢拍拖啦。呢日女友試完鞋,向佐就自動波拎出銀包,相信今次對鞋都由佢買單啦。今次向太開綠燈,同向佐提早講聲恭喜實無錯啦!

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載