蘋果日報 | APPLE DAILY
› 選擇地區
三藩市
紐約
洛杉磯
其他美國地區

【當年以廚藝冧掂邵美琪食住行全包】施祖男單身後food court解決

86,596
建立時間 (HKT): 1203 18:00

《義不容情》入面靚女角色好多,邵美琪係其中一位,而且咁多年嚟都無咩點變keep得好好,可惜感情生活總係唔太如意,就連對男友施祖男食住行全包,最後都因盛傳男方偷食而6年情斷。

施祖男喺法國居住過,吸收咗法國男士浪漫殺手鐧,識得以廚藝追女仔。當年佢同邵美琪發展姊弟戀時,不時會煮飯仔投「琪」所好,仲成日陪邵母飲茶,氹到女方開放香閨俾佢入住,而且坐駕任用,總之就裡裡外外供應充足啦!但2015年時,有傳施祖男偷食,當時五十歲嘅邵美琪寧願繼續孤獨,堅決分手斬纜。

三年過去,施祖男至今似乎仲未有新戀情,唔需要動用廚藝追女仔,所以一支公食但求快靚正啦。喺food court坐低後,施祖男舉動好奇怪,一直四圍望。之後有阿姐幫佢執枱,又好似有啲咩誤會咁樣講咗兩句,搞到施祖男擰晒頭一副好男不與女鬥嘅無耐樣。終於有餐送到喇,佢又要捧住碗麵搵店員唔知係想換,定係要加料。搞咗一大輪,竟然係相機食先,以44歲成熟男嚟講,真係估佢唔到。不過,識得相機食先嘅男士,話唔定私底下真係好識冧掂女士,所以當年邵美琪對佢食住行全包從不計較,一啲都唔奇。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載