蘋果日報 | APPLE DAILY
› 選擇地區
三藩市
紐約
洛杉磯
其他美國地區

【女人四十好睇 特別田蕊妮配4中佬】黎諾懿最爆:悶咪搵明星仔玩囉

62,099
建立時間 (HKT): 1202 16:00

田蕊妮《女人四十》好睇!雖然嗰啲咩心理學家、兩性專家出場無可避免,亦係比較悶嘅一part,但好彩節目入面探討嘅範疇好廣,整容、塑身、拍拖、嫁娶、生仔乜都涉及,又好配合「女人四十」呢個題目,真係唔會悶。

不過《壹》仔覺得最過癮嘅,莫過於黎諾懿、陳山聰、譚俊彥同袁文傑四位男士同阿田吹水嘅部分,因為呢班男士講嘢夠放,唔會就住就住,特別係黎諾懿。當阿田問道:「維持而家嘅狀況,或者好有錢但大肚腩,你哋會揀做邊個?」唔知真心定係鏡頭前有包袱,山聰、譚俊彥、袁文傑都不約而同話維持現狀做返自己,只有黎諾懿話:「我唔係,我揀有錢大肚腩。」譚俊彥以為佢原因係:「做咗有錢人之後再減肥。」點知黎諾懿嘅答案就好似食咗誠實豆沙包一樣,效果好爆趣:「雖然我無樣又肥,但我大肚腩有錢嘅……(山聰:但你無家庭喎。)咁都無所謂,我可以玩好多嘢,有錢吖嘛。係咪先?我有錢吖嘛,我可以玩好多嘢,可以做好多嘢。我有錢就可以任性啦,咁做乜都得,譬如我悶嘅咪買個明星仔返嚟玩下囉,係咪先?」聽到黎諾懿咁樣講,現場另外4人都笑到癲咗,當然亦配服佢夠gut,唔怕影響好先生形象,話晒佢俾人感覺一直都係風趣幽默嘅好老公好爸爸,夠晒正面。所以,當佢講完上述一番話,反差大更加有節目效果。

結論係黎諾懿真心識撈,形象正面,拍劇入屋,依家綜藝節目又識做效果,現實生活情況更加係又有錢又靚仔又無肚腩老婆又靚,邊個夠佢玩吖。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載