【樓市特攻隊】有錢就是任性！400萬裝修相連單位 有幾巴閉？

一屋清雅寬敞的設計，陽光直滲入屋，巨型客飯廳置於全屋中心位。實用面積接近3000呎，這個位於九龍區極高層嘅自製相連單位，單係樓價已經不敢想像，屋主仲豪花400萬 (你無聽錯，係400萬) 裝修，究竟有幾巴閉？



整個單位設計上，由客廳、主人房，以至小朋友客房，設計師都採用同一色系，顏色主要以白色、米色為主調，配少許綠色作為點綴；同時亦襯托番客廳露台的假草牆，令全屋整體感覺更自然更一統。



由於單位二變一，由兩個長方廳合併，變成一個大正方形廳，大形客廳擁有八個小出入位，係設計角度同傢私擺放方面，都有一定難度，所以設計師將整個大正方形廳分割成一大一小長方形區域，小長方形區域用作玄關、擺放小吧枱，大長方形的區域則作客飯廳之用。



400萬之氣派，仲反映於兒子房間內，為體貼兒子觀賞電影及睇波的習慣，設計師為佢設計了一個小偏廳，再加兩張戲院櫈，並亦將天花造高，配以天花鏡，打造私人影視空間，這些機會不會屬於你同我啦！



單位總裝修費高達405萬，但係物料已經用上132萬，主要因為單位偌大，其實自製相連單位有咩要注意？設計難度係咩？我地下集再講。