蘋果日報 | APPLE DAILY
› 選擇地區
三藩市
紐約
洛杉磯
其他美國地區

【偷食五角戀還原真相】余思霆二月偷食朱敏瀚 男友「天堂鳥」Tyrese斬攬除綠帽

16,333
建立時間 (HKT): 1206 18:00

做過「兄弟大茶飯」助手,去年華姐冠軍余思霆,今年六月突爆同拍拖三年嘅男子組合「天堂鳥」成員Tyrese分手,有傳導火線係男方偷食林欣彤,不過事後Tyrese同林欣彤都強烈否認。

表面睇嚟慘慘豬嘅余思霆,上月卻俾人發現同大台藝員朱敏瀚手貼手行街。日前收到讀者報料,指余思霆先至係偷食一方,Tyrese係綠帽苦主。指今年三月俾Tyrese揭發佢同朱敏瀚出埠到台灣偷食後,一怒下決定斬攬。

余思霆年初與朱敏瀚因合拍大台劇「好日子」而撻著,當時朱敏瀚有個拍拖多年嘅圈外女友,余思霆就同Tyrese一齊,佢哋各自背住另一半偷食,之後朱敏瀚仲因為余思霆飛咗女友。

日前搵Tyrese回應,佢承認朱敏瀚係佢同余思霆第三者,不過戴綠帽事件唔係光彩事,所以佢話:「都半年前嘅事,唔想再提再追究。」對於佢倆關係近日終浮面,Tyrese話:「冇乜太大感覺。」

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載