› 選擇地區
三藩市
紐約
洛杉磯
其他美國地區
香港 台灣 北美
 

【過億豪宅未到手】前夫劉坤銘住愛都屬阿媽名下 羅霖攬仔自食其力

建立時間 (HKT): 0101 00:01

女人蒲頭就係是非多,早排羅霖接受訪問,大談自己離婚後要獨力撫養幾個仔,供書教學,俾人知道原來「名媛」是如此的。冇計啦,1997年前夫劉坤銘(Roger)生意失敗兼遭債主申請破產,當時係澳門搞賭廳嘅劉思仁,曾經出手相救才把兒子劉坤銘從破產邊緣拉上來。中環口痕友就講,羅霖咁高調 出來「數」,目的都係想前夫分番啲俾佢,聽聞前老爺劉思仁三年前過身,都有啲身家分俾劉坤銘,所以呢位劉公子變得好風騷,仲有第二春添,身邊有位40多歲嘅女banker作伴!



驟眼睇劉坤銘真係幾富貴喎,佢住嘅半山愛都大厦相連單位,市值過億元,不過睇真啲物業一直係由父母持有,老豆死左,相關嘅股份都係轉左俾阿媽蔡雪芳咋,直啲咁講句,劉坤銘只係有居住權而唔係有擁有權㗎,睇嚟羅霖想為細路討返啲生活費,前奶奶依然健在,睇嚟都難過登天,辛苦命嘅羅霖要攬仔自食其力啦。



撰文:宗菁華

相關新聞:【真係好愛啊!】Stephy花式放閃 與王子姊弟戀砌低小方十年情

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載