› 選擇地區
三藩市
紐約
洛杉磯
其他美國地區
香港 台灣 北美
 

【關之琳5億身家留俾風水佬?】不強求有老伴慶幸冇仔女:我失去很多

建立時間 (HKT): 0111 00:01

保守估計,56歲關之琳身家超過5億,單係香港嘅物業已經市值超過3億,包括豪宅、商廈同地鋪。其中自住嘅地利根德閣極高層、無敵維港景三千呎單位,樓市高峰期估值1.7億,依家市況回軟都值1.5億。

身家豐厚,無兒無女,但佢最錫一男子---對方係風水師傅嚟嘅,姓關,叫世華。

其實關世華係細關之琳十一年嘅細佬,兩姊弟感情好好。早年關世華喺美國生活,返港之後做過保險同其他工作,近年就醉心風水命理。

為咗唔影響家姐,佢一直非常低調,近年轉行做風水師傅,但對客人絕口不提關之琳。

關之琳話人哋以為佢係國語片明星關山個女,一定係溫室長大,其實佢自小同細佬相依為命,佢13歲嗰陣,兩歲嘅細佬玩打火機燒着書房,爸爸又唔喺屋企,都係佢抬起滅火器救火。

佢話當年入行係冇得揀,只想盡快搵到工作,仲話一出嚟就拍戲,冇做過其他行業,身為一個女人,佢有好多遺憾,失去好多。不過冇下一代就唔係遺憾,而係佢嘅選擇。

佢係完美主義者,結過兩次婚,唔想再勉強自己去遷就人,唔再強求有一個老伴。

咁多年累積嘅財富,令佢可以過上等生活,得閒就掃名牌。

關之琳咁錫細佬,關世華真係好大機會接收佢啲資產喎!

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

相關新聞:【濕身透點賺首期】關之琳炒何文田豪宅起家 賣南灣道獨立屋賺1.35億

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載