蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

【難怪蔡康永都喺節目撩鼻屎】小S人生最享受撩鼻屎 原來有養生功效

建立時間 (HKT): 0106 18:00

小S徐熙娣主持風格搞怪有趣而且爽直,好多觀眾都鍾意睇佢亂噏廿四。憑住呢種風格,就算近年喺大陸搵食,一樣無往而不利,工作做唔停。最近佢有份參與嘅新節目出街,小S明明好正經咁講嘢,但一樣好有綜藝效果,例如佢分享自己人生最享受嘅三件事,其一係同朋友一齊hea,但之後兩件竟然同「挖洞」有關──撩眼屎同撩鼻屎。女藝人公開講呢啲私密事,仲要講得咁隨意,真係小S先做到!

小S鍾意撩鼻屎唔係吹水,《康熙來了》時期佢已經常日強調「我愛挖鼻屎,挖鼻屎很爽!無論什麼時候挖裡面總有東西,給我很多驚喜。」

另外,小S撩鼻仲係一種養生法,因為佢曾經喺節目話:「我大姑是哈佛醫生。小孩常生病,她說因為身體裡有寒氣,又不喜歡小孩一直吃藥,畢竟傷身。她就說要幫自己排寒氣,然後身體就會好起來。方法就是快要感冒的時候,把衛生紙扭成尖尖的伸進鼻孔,如果有寒氣就會打噴嚏,打到沒有噴嚏感冒就好了。」聽落好匪夷所思,但節目上嘅醫師就解釋:「從西醫角度,上呼吸道感染就是一些菌被卡在黏膜裡,打噴嚏就是把那些東西打出來,就不會往裡面跑,所以會好得比較快。」

雖然小S成日亂噏,但似乎都有啲根據錯唔晒喎,難怪連莊重文人feel嘅蔡康永,都試過忍唔住喺節目上撩鼻屎啦,可能係就嚟感冒呀。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載