蘋果日報 | APPLE DAILY
› 選擇地區
三藩市
紐約
洛杉磯
其他美國地區

【劇透|癲佬發現案】馬炭殺完天嬌仲未收手 連多年兄弟都一槍打死

99,707
建立時間 (HKT): 0107 18:00

馬炭(洪永城飾)槍殺天嬌(譚凱琪飾)引起觀眾不滿,但呢個癲佬仲未收手,連自己多年嘅兄弟都唔放過,一槍打死。不過唔係大帥哥(張衛健飾),而係羅義(徐榮飾)。

羅義真係個有情有義嘅漢子,為咗救大帥哥,但又唔想拖累難得重逢嘅冬來(李嘉飾)、顧落蘆(曹永廉飾),不惜隻身犯險劫獄。雖然成功將大帥哥救離監牢,但要令負傷嘅大帥哥全身而退真係好困難,所以二人被李細龜(張達倫飾)追到上氣唔接下氣時,義氣仔女羅義同大帥哥講:「記唔記得今日係咩日子?係我生日!眨眼又一年喇,你就當送份生日禮物俾我。」大帥哥都未反應得切,就被羅義打暈。然後羅義現身李細龜眼前,唔肯透露大帥哥行蹤又唔肯投降,反建議要同馬炭鬥槍。李細龜樂見佢哋兄弟相殘,而馬炭又唔留情殺死羅義。

羅義屍首被搬返昇威鎮,冬來見到後對馬炭揮拳相向,後被顧落蘆勸掂忍一時風平浪靜,並接受馬炭處罰。至於因羅義犧牲而逃出生天嘅大帥哥,哭祭羅義並承諾照顧佢最愛嘅艾妞(楊秀惠飾),然後展開逃亡生活,又暗地諗計仔做返啲嘢。

相關新聞:【大帥哥助三兄弟做到】好演員賦予角色生命 好角色令演員改頭換面

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載