蘋果日報 | APPLE DAILY
› 選擇地區
三藩市
紐約
洛杉磯
其他美國地區

【憎細路到生仔】吳彥祖老婆最初細路都唔肯抱 君如41歲被老公說服生女

136,913
建立時間 (HKT): 0109 00:01

周汶錡由唔諗住要細路到而家生咗兩個仔,一切都係因為愛啫!大S曾經講過:「幸福是遇到一個人,你想生他的孩子。」其實仲有好多女星同周汶錡一樣由唔鍾意細路,到願意生仔,再被自己嘅細路融化。LISA.S就係其中一個啦!初初佢同吳彥祖拍拖就表明自己唔鍾意亦都唔打算生小朋友,吳彥祖仲大爆LISA.S嗰時憎細路憎到連抱都唔願抱。偏偏吳彥祖好鍾意小朋友,因為兩個人家庭觀念唔同,所以當時佢其實無諗過會娶LISA.S。但慢慢相處幾年後,LISA.S變得鍾意同細路相處,吳彥祖見兩個人嘅觀念變得相近,所以產生結婚念頭,2013年囡囡出世,一家三口勁幸褔,而家五歲嘅Raven更加係兩公婆嘅掌上明珠。

吳君如同陳可辛一齊超過廿年時間,兩人當初選擇唔結婚亦唔生細路,但喺吳君如39歲時,陳可辛突然叫佢好好諗吓要唔要生返個,最後喺41歲生咗囡囡陳是知。

S.H.E嘅ELLA都講過自己本身好憎細路。但點解都會決定生仔?一齊都係因為愛情嘅力量。佢又話自從囝囝勁寶出世後,佢嘅心境唔同晒。仲作咗首歌俾囝囝,簡直係母愛爆發。咁睇嚟愛情真係會改變一個女人,其實有幾唔鍾意細路,BB始終係自己同另一半嘅結晶品,做阿媽嘅又點會唔冧啊。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

相關新聞:【唔生仔影響夫妻感情】44歲周汶錡帶餅印兄弟玩轉嘉年華 有新任務:老公要追個女

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載