蘋果日報 | APPLE DAILY
› 選擇地區
三藩市
紐約
洛杉磯
其他美國地區

【雞佬唔賣雞變代言人】李雨陽內地搵錢養家 返港拖嫩妻囝囝玩餐飽

16,549
建立時間 (HKT): 0112 00:00

咦,呢個咪係雞佬李雨陽,乜咁得閒同仔仔老婆去嘉年華玩呀,唔使賣雞咩?「雞方面無做代理喇,轉咗個合作形式,由代理轉做代言,主要係我無時間喺香港打理生意,覺得非常唔好意思,因為如果我keep住個代理權,就應該負責番代理嘅責任!」

雞佬冇賣雞,原來佢近呢年幾主力喺內地拍嘢,加上去唔同地方登台,都搵到食,就係因為太忙,所以先唔賣雞。「我喺內地開工嘅時間愈嚟愈多,每個月起碼有一半時間喺內地,跟唔足生意嘅時候,業績開始向下,我覺得都要對老闆負責任,有個交代,所以就將代理權交番出嚟。」

佢仲好搞笑咁講…「你可以見到而家包裝上有我好靚仔嘅樣,大家轉咗一個代言方式繼續合作。」李雨陽大部份時間都要留喺內地拍嘢,一有時間就會返嚟香港陪老婆、囝囝,睇佢呢日一家三口,喺嘉年華度玩,李雨陽抱住13個月大嘅囝囝小芝麻,細佢10年嘅老婆十足大細路一樣,玩攤位遊戲玩得勁投入。

之後,一家三口由老婆揸機玩自拍,真係好sweet呀!咁都未夠,老婆要玩機動遊戲,李雨陽當然冇say no啦,結果玩完一個又一個,老婆玩夠,再同囝囝坐火車,李雨陽呢個一家之主真係唔易做呀!

攝錄:王志輝

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

相關新聞:【男星北上為搵食】少時間陪妻兒 送13萬勞力士氹老婆 李雨陽:老婆要錫嘅!

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載