蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

許靖韻音樂會全場爆滿 未唱完歌迷就嗌encore

建立時間 (HKT): 0111 16:58


許靖韻(Angela)日前於廣州舉行第一個音樂會《Angela First Tour 廣州站》,近千人嘅場館全場爆滿。

近兩個鐘嘅演唱會以歌會友為主,當晚Angela換咗兩套衫,除咗騷唱功,仲大晒音樂才華,一口氣用鋼琴自彈自唱四首歌。Angela話音樂會前期待之餘又緊張,「喺廣州第一次有自己賣飛的音樂會,開show之前好緊張,但係又冇乜時間緊張,因為前後得兩個星期去準備成個音樂會,覺得呢件事好似等咗好耐、好期待,然後又好快就發生。」

第一次開show,Angela話有好多難忘事,當中對觀眾嗌encore印象特別深刻,「其實之前都冇特別諗encore嘅嘢,到真係on show時,我都未唱完,觀眾已經嗌encore。其實之前隊band都有問過,如果啲人唔嗌encore咁點?哈哈。所以係好開心,喺我未唱完嘅時候就嗌encore,同埋覺得好搞笑。」而歌迷嘅支持亦令Angela好感動,「我知道有好多fans係特登買機票飛過嚟睇我第一個音樂會,又要book酒店,呢樣嘢我已經覺得好不可思議,同埋好感動。」佢仲話要特別多謝陳芳語同吳香映嘅fans,「因為佢哋嘅fans都有送花籃過嚟,真係好開心咁多人支持。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載