蘋果日報 | APPLE DAILY
› 選擇地區
三藩市
紐約
洛杉磯
其他美國地區

【田雞夫婦睇戲】只要有對方陪住 就算《新喜劇之王》用舊橋一樣好笑

建立時間 (HKT): 0205 18:00

作為香港電影工作者總會會長,田啟文(田雞)忙於公職,坦承同老婆聚少離多好似虧欠咗對方,所以一有時間兩公婆就會十指緊扣去拍拖,把握每分每秒。

57歲嘅田雞入行三十幾年,當人人都話周星馳難相處搞到反晒面嘅時候,但星爺唔少新戲依然搵佢客串,甚至擔任重要角色,可想而知田雞份人易話為、就得人。對星爺都咁唔話得,何況係自己老婆呢!田雞同老婆膝下無兒無女,所以老婆會將焦點放晒喺自己身上,不過田雞工作繁忙少有時間陪老婆,覺得自己唔能夠好好報答老婆嘅愛意,所以評自己唔係一百分老公。

講係咁講,但大家都知田雞個心係向住「一百分老公」呢個目標進發,更知道佢一有時間就會對老婆作出補償。雖然有時只係好簡單行下街、睇場戲,唔係啲咩好浪漫、好難忘嘅活動,但相信田太都唔會介意,只要兩夫妻糖黐豆拖到實,日常平淡生活都可以好溫馨。就算大家都唔想再喺《新喜劇之王》睇返《喜劇之王》嘅舊橋段,但相信田雞夫婦一樣會笑到「夾夾」聲,陪住自己喜歡嘅人睇乜都開心。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載