› 選擇地區
三藩市
紐約
洛杉磯
其他美國地區
香港 台灣 北美
 

【陳嘉容火辣作品買少見少】減model工作 與印籍機師男友戀愛大過天

建立時間 (HKT): 0208 16:00

名模陳嘉容近年工作以主持為主,少咗行catwalk,連佢自己都話丟低咗model工作搞到生疏晒,行兩步轉幾個圈就頭暈。對fans嚟講,呢個絕對唔係好消息,畢竟40出頭嘅陳嘉容依然好索,fans梗係想佢繼續有火辣辣嘅作品啦!不過佢除咗主持外,又有自己嘅時裝生意,好多嘢要兼顧,有時間都盡量留嚟同印籍男友拍拖啦,話晒男友係機師,周圍飛好少喺香港stay,唔把握機會二人世界點維持感情呀?

二人2012年拍拖至今已經7年,為咗解決7年之癢或者將感情保鮮,好多人會選擇結婚,但陳嘉容似乎唔心急,而且同男友感情依然好好,二人好簡單食個快餐都笑得勁甜勁開心,又不停自拍,似足啱啱開始拍拖嘅熱戀情侶。唔通因為二人唔常見面,反而真正做到小別勝新婚?亦可能同男友一向夠風度有關,事關就算拍拖多年,但呢位男友依然會開車門俾陳嘉容上車先。呢次拍拖食飯睇戲,又係安頓女友坐低咗,然後先去買餐。

有個好男友,相處得開心,就算年紀唔細,但都唔差一紙婚書啦。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載