蘋果日報 | APPLE DAILY
› 選擇地區
三藩市
紐約
洛杉磯
其他美國地區

【大女沈月入行無望】沈嘉偉跛腳巡舖 單腳飛身上車好敏捷

建立時間 (HKT): 0206 18:00

今年就係沈嘉偉同女神邱淑貞結婚二十週年,亦可以話係邱淑貞息影二十週年。雖然息影後豆豆就甚少出現喺熒幕前,但一日女神終生女神,直到而家都仲有好多網民對佢念念不忘。就連佢大女沈月,都被網民封為新一代女神,咁大女又真係深得阿媽遺傳,同豆豆似到十足十。雖然先得17歲,但已經好靚女啦!個樣夠晒資格入行,但豆豆指個女對呢行無興趣,又有傳大女同二女下年都會去英國讀書,斬斷入行可能。

要送兩個女去英國讀書,錫女錫到燶嘅沈嘉偉當然更俾心機做生意。呢日《壹》仔見到跛住隻腳嘅沈嘉偉都親自落銅鑼灣I.T巡舖。一隻腳受咗傷嘅佢將隻腳架上輔助車,碌到去舖頭門口。見老闆嚟到,員工都好醒水,即刻出嚟迎接佢,同佢吹水。但要入舖頭就要上兩級樓梯仔,見唔方便,佢停喺門口無入去。傾咗陣,就走人。揸住架車慢慢碌去搵司機,咁睇落佢又碌得幾過癮喎。雖然受咗傷,但佢單腳飛身上車,身手好敏捷啊!

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載